Are rech b’a’ ya’talil jun utzalaj ya’olchajinik winaqil, rech q’atenik k’ayin awan kunab’alil, rech q’atenik ub’anik k’ax chi ke winaq ri’, rech q’atenik ri awan b’anow k’ayij, rech q’atenik winaq e ajq’axel pa we amaq’ xuquje’ rech kiq’atexik molaj b’anol k’ax ri’, are ri’ taqim uwach uq’atexik rumal ri k’ak’ Wokajil Ya’olchajinik pa Oxib’ Nimatinamit ri’ pa le kiq’atexik ri nuk’wokaj kamisanem ri’, pa le uwokajil ya’olchajinik ri’ ketatb’en ri’ ri k’amal b’e rech Iximulew, rech El Salvador xuquje’ Honduras; xuquje’ are jun pa le wokajil ri’ el Ministro rch Gobernación xuquje’ ri Viceministros rech Ya’olchajinik xuquje’ ri rech Antinarcóticos, xuquje’ are jun ri k’amal b’e rech ri Wokajil Ajchajil Tinamit (PNC). Eri nim molinik ri’ are xb’anik pa le estadio John F. Kennedy, colonia Las Américas, rech ri Tinamit rech Ocotepeque, pa le juyub’ tinamit rech Ocotepeque, Honduras.

Are wa’ xterenb’exik aretaq xb’an ri yaltzijol pa komonb’alil rumal ri Grupo rech Alto Nivel rech Ya’olchajinik ub’i’ “Ganseg” ri xb’an pa taq le ik’ agosto kanoq pa El Salvador.

Eri viceministro Antinarcótico rech Iximulew, Oscar Dávila, xutzijoj che ri komon wokajil ya’olchajinik ri’ are wokom uwach kumal e 200 PNC, e 100 chi ke e eqa’lenelab’ rech ri Wokajil Ajchajil Amaq’ e jo’ob’ chi ke ri’ e rech ri Superintendencia rech administración tributaria SAT ri’.

 “Pa le wokajil ya’olchajinik ri’e eqa’lenelab’ rech sak’ajil chajinik chupam ri’, xuquje’ qeta’m che e k’o awan ok’owsab’al ri’ xuquje’ rumal wa’ sib’alaj ya’talil ri’ uchuq’ab’ ya’olchajinik pa taq k’ulb’a’t juyub’ pa amaq’il ri’, xa’rumal kuk’ nik’aj chik wokajil ya’olchajinik k’o utzalaj uwach chajinik b’anom kowinem ruk’ ri’ xuquje’ rumal ri’ kqaj uj pa komon kujchakun kuk’ nik’aj chik amaq’ tinamit rech uq’atexik ri b’anow k’ax cho taq k’ulb’a’t juyub’ pa amaq’il ri’, xcha’ ri Dávila.

Eri chak patan rumal ri fuerza Chortí xuquje’ kutun rib’ ruk’ ri Trinacional ri’, je ri’ xkub’isaj ub’ixik ri viceministro antinarcótico.

Eri k’amal b’e pa taq amaq’ib’ xkib’ij che ri Triángulo Norte rech Centroamérica are wa’ jun loq’ rulewal k’o pa ya’olchajinik ri’ rech ya’talil b’a’ jikom uwach upwaqil umeb’il ri’, xuquje’ rech b’a’ k’o jamalil ya’talil ri’, che ri tajin kel uloq pa le loq’olaj b’anow chomanik ri’.

Xuquje’ eri k’amal b’e amaq’ib’ keta’m k’ut ucholaj ub’anik keraqataj wi ri tinamit centroamericanos, rumal ri’ xkikoj nim uwach ub’antajik we jun cholchak ya’olchajinik ri’ ruk’ utob’anik ri chomab’al pa tinamit, pa ub’anikil xuquje’ rech ya’talil ri ya’olchajinik pa le oxib’ amaq’ tinamit ri’, pa le q’atenik chi ke ri nuk’wokaj b’anol k’ax ri’.

Swiffy Output
COMPARTIR