Le k’ak’ japache’ are kuya’o utz b’anikil chomab’al chi ke ri ixoqib’ e tz’apil ri’

179

Aretaq xb’antaj ri molinik rumal ri Taqawokaj pa le Nima rachoch K’amal b’e Amaq’, eri Ministro rech Gobernación Francisco Rivas Lara, xuya’ utzijol chi rij ri jun k’ak’ tz’apib’al pa tinamit rech Villa Nueva, are rech jun japache’ kayak ri’ rech rech kek’oji chupam ri ixoqib’ e ajpache’ ri sib’alaj kiraqom k’ax ri’.

Eri Ministro Rivas xub’ij eri uyakik ri jun k’ak’ japache’ tz’apib’al ri’ are sib’alaja katajin b’anow nim chomanik chi rij ri’ kumal taq ri wokajil xuquje’ kumal taq ri winaqilal ri’, are rech pa saqilem uyakik ub’antajik ri’ rech kuya’o utz b’anikil tijob’enik ruk’ ya’ow pixb’anik chi ke ri ixoqib’ ketz’apib’ chupam ri’.

 “Eri kaqatiqix chi rij ub’anikil k’ak’ tz’apib’al ri’ are rech kub’an jun k’ak’ japache’ ri k’o wi nim nimib’al chech ri echab’alil ya’talil chi ke ri winaqil ketz’apib’ chi’ xuquje’ rech kak’oji jun cholchak rech suk’ub’anik pixb’anik, tijob’enik xuquje’ rech suk’ub’an kichomab’alil ri ketz’apib’ chi’ rech kakiraqo kakib’an utz taq chak patan ri’”, xcha’ ri loq’ patanel ri’.

Eri japache’ ri’ man rech taq ketaq chi’ itzelalaj taq e ajpache’ tane’ kojpa’ le kib’anom k’ax taq kamisanik, xane’ are rech kek’oji chupam ixoqib’ e ajpache’ le sib’alaj kiraqom k’ax ri’, ri k’o taq kal kachb’ilam ri’ ri k’a te k’o pa kajib’ taq kijunab’ ri’, xuquje’ rech kek’oji chi’ chichu’ib’ kuk’ ri sib’alaj e yowab’ ri k’ax e k’olik ri’.

Pa taq le nab’e taq chak kab’an chi’ are kab’an jun nim ajilanem ri’ rech kilik jas che chak patan kakoj chi’ kojpa’ b’a’ le b’anow tijonem chi ke xuquje’ rech kakoj nik’aj chik reta’maxik b’anoj taqkil rech uchakuxik qup’in suk’ub’an che, b’anow kaxlanwa xuquje’ suk’ub’an taq ch’ich’ ri’.

Eri ajchak kechakun chi’ k’o kek’oji pa taq ilonb’al chak, k’o kek’oji pa ilonem chajinik, k’o kek’oji pa tijonik e are ri’ keb’e pa República Dominica rech kakitijoj kib’ pa ta le nab’e ik’ septiembre rech keb’e pa tijoxik ri’.

Eri ministro Rivas kuch’ob’ ri are che jun ma’utz ri’ rilik kumal ri winaq tinamit rech Villa Nueva rajawaxik man je ta ri’ rilik kb’an kumal ri winaq chi’ chi rij uyakik jun japache’ tz’apib’al chi’ kech ixoqib’ rech kesuk’umax b’ik chi’.

 “Ri in kich’ob’o jas chech eri winaq rech Villa Nueva man kikaj taj man utz taj kakilo wa’ uyakik jun k’ak’ japache’ tz’apib’al chi’ eri uj ajq’atb’altzij are qachak ri’ kaqilo jas ri kaqab’an ri’ rech kaqak’exo le man utz ta rilik kab’an pa taq le japache’ ri’ xa’rumal xaq b’anow k’ax, xaq b’anow kamisanik xaq b’anow xib’inik kab’an ri’”, xcha’ ri ajpatanel ri’.

Eri k’ak’ japache’ tz’apib’al kayak chi’ are kayak pa jun k’olib’al rech amaq’ tinamit nab’e ri’, are kamajtaj kasuk’umax upam ri’ xuquje’ rech utz chik kakojik pa taq le ik’ rech diciembre ri’.

Swiffy Output
COMPARTIR