Eri ub’anikil K’ak’ Taqanem pa Wokajil Japache’ are rech kesuk’umax pa kik’aslemalil ri e ajpache’ ri’

206

Eri jun k’ak’ Ub’anikil Taqanem pa Japache’ ri’  are kakoj pa we amaq’ ri’, rech kanimaxik uq’ab’il ri ya’talil winaqil ri’, rech kesuk’umaxik ri winaq ri’ xuquje’ rech e utz chik ketzalij pa taq kachoch ri’, are kataqixik ri’ e utz e k’ak’ winaq chik ketzalij ri’, rech kakib’ano ta chik b’anow elaq’ b’anow k’ax xuquje’ rech k’o uchakub’al kukoj ri’ pa le loq’ uk’aslemalil ri’.

We jun ub’anikilem ri’ are kuk’am uwach ronojel taq cholb’al chak rech tijob’al kech ri ixoqib’ e ajpache’ ri’, rech k’ak’ k’olib’al kek’oji wi xuquje’ ri k’o jalajoj taq ub’eyalil rech ya’olchajinik kub’sib’al k’u’x ri’, pa keqale’nib’al ri ajchajinelab’ ri’ le k’o nim tijob’em xe’ek’ow wiri’.

Ri B’anow Tijonem ri’

Eri unimal ri K’ak’ Ub’anikil Taqanem ri’ are ri’ le cholchak rech b’anow tijob’enik, chi’ k’u ri’ eri ixoqib’ e ajpache’ ya’talil ri’ rech ketatb’enik pa le cholb’al chak rech b’anow tijonem eta’manem ri’, pa le retal taq tijob’en ib’ jacha’ rech kaketa’maj b’anow k’axlanwa, b’anow je’l ki’ rikilem xuquje’ kakisuk’umaj kiwi’ kipalaj ixoqib’ xuquje’ rech kekowinik kakiraq kichak pa le japache’ ri’.

“Eri taqim uwach ri’ are rech b’a’ eri ixoqib’ e ajpache’ rech kakechb’ej kiq’ij aretaq keraqataj pa le tojb’al kimak ri’ rech kaketa’maj k’ak’ ub’anikil taqkil xuquje’ rech k’o kakiraq kakichakuj ri’, rech kekowinik kakipoq’saj uwach k’ak’ taq chak pa le kik’aslemalil ri’”, xcha’ ri Ministro rech Gobernación Francisco Rivas Lara.

Pa le jun ub’anikil k’ak’ taqanem chak patan ri’ k’o pa retalil uq’ijol ri chak kab’an ri’, k’o uq’ijol rech kakisaqab’saj kib’ ri’, rech kakimes pa le japache’ ri’, rech kakitijoj kib’ ri’ xuquje’ rech kechakunik ri’, rech man xaq ta kesaq’arib’ ri’.

Eri Wokajil Japache’ ri’ are rech Suk’umal kech ri’

Pa le ukojik we jun k’ak’ ub’anikil ri’ kak’oji ri’ K’ak’ taq Japache’ rech Suk’umal kuwach xuquje’ rech ketzalix pa taq kachoch ri’, eri nab’e are xjaqik pa le Complejo Carcelario Fraijanes pa le ik’ marzo, are ke’uq’i’ ri’ e 150 ixoqib’ e tz’apilik ri’ xuquje’ are chomam chik rech kekoj na kajib’ chik pa we junab’ ri’.

Eri ukab’ teren chik we kamik are katajin uyakik na ruk’ utob’anik ri Cooperación Europea, are rech kejaqab’ chi’ ixoqib’ k’o taq kal k’a pa kajib’ kijunab’ pa kach’ite’nal ri’ xuquje’ eri urox chik are kab’an pa le juyub’ tinamit rech Villa Nueva, emu wa ri jun chik tak’ab’im pa raqan uya’ik ri’ rumal ri ch’oj e k’o wi chi rij chi kuwach ri winaqil chi’ ruk’ ri Q’atb’altzij ri’, are kech ixoqib’ che ri k’o taq k’al kachb’ilam ri’ rumal ketajin che utojik kimak rumal ri k’ax kib’anom, xuquje’ rech kek’oji chi’ ri ri’j winaq chik xuquje’ k’o jun k’olib’al chupam ri’ rech keya’ wi’ winaq che ri e yowab’ ri kakikamij b’ik ri’.

Eri taqawokajnel ri’ xuya’ ub’ixik che we kamik ketajin pa chomanik kuk’ ri winaqil tinamit rech Villa Nueva, rech kechoman kuk’ chi rij we jun cholchak ri’, xuquje’ k’o chik uwujilal rech ya’talil kayak ri nim japache’ chi’, xaq’ xu’ chik eyem ri q’atb’altzij rech kuq’atij ta chik rech kayakik we jun japache chi’.

Eri jo’ob’ k’ak’ Japache’ k’olib’al ri’ are rech Kesuk’umaxik pa Kik’aslemalil ri’ xuquje’ rech e utz chik keb’e loq pa kachoch ri’: Eri pa Fraijanes 1, pa Fraijanes “, Ri k’o panoq pa Uxukut ri Japache’ rech Ketijox Ixoqib’ ri’ (COF) pa le complejo Carcelario Fraijanes, ri rech pa Villa Nueva xuquje’ jun k’o panoq pa tinamit ri’.

Pa le jun b’anow chak rech k’exnem ri’ eri k’ak’ ub’anikil taqanem pa japache’ ri’ are xumajo ruk’ taq pa le kitasik ixoqib’ ri’ che we kamik kititz’om kib’ pa jun 500% pa taq le japache’ e tz’apil wiri’ xuquje’ ma utz taj k’o taq ak’alab’ ri k’a xe’alax ri’ pa kajib’ kijunab’ chik e k’as kuk’ ri kinan pa taq ri japache’ ri q’aya’l chik rilik ri’, ri man b’anom ta saq chech ri’ xuquje’ che ri keraqataj wi pa k’ax ri’.

“Pa we jun k’ak’ ub’anikilem ri’ e achijab’ ri’ xuquje’ e ixoqib’ ri’ e winaq ri’ che ri kikaj ke’ilik kechomaxik kesuk’umax ri’, e winaq ri’ e tz’apilik emu wari’ e loq’ ri’ xuquje’ k’o ri ya’talil chi ke ri’” xcha’ ri Rivas Lara.

Eri eqa’lenelab’ VTP ri’

Eri k’exnem pa le jun k’ak’ Wokajil Japache’ ri’ are katz’aqat ri’ ruk’ kekojik ri Eqa’lenelab’ rech Ya’olchajinik xuquje’ rech Ke’ilonik pa Japache’ ri’ VTP, e are k’ut e ajya’el rech ri ya’olchajinik chi ke ri winaq e tz’apil pa taq le Wokajil Japache’ rech Kesuk’umaxik pa kik’aslemal ri’ xuquje’ rech ketzalij chik pa taq katinamit ri’.

Eri eqa’lenelab’ VTP ri’, xecha’ik pa k’i taq tinamit pa we amaq’ ri’ xuquje’ xe’ek’ow pa jun nimalaj chob’al kech ri’, are xil juntir ub’anikil upetib’alil kimeya’ kirajil ri’, xe’ok’ow pa k’otojchi’aj ri’, pa rilik kino’jib’alil ri’ xuquje’ ke’ek’ow pa kiq’ab’ ri e ajkun ri’. Rech te k’u ri’ xkimaj xkitijoj kib’ pa le Tijob’al rech ri Wokajil Ajchajil Tinamit ri’ xuquje’ xeb’e ri’ xakitijoj kib’ pa República Dominicana chi’ k’u ri’ pa oxib’ ik’ xetijox chi’ rech xkich’ob’o ukojb’alil we jun k’ak’ taqanem pa japache ri’ le tak’al kino’jib’al kichomab’al pa le unimaxik uwach ri ya’talil winaqil chi ke ri e ajpache’ che ri e tz’apilik ri’.

“Are wa’ jun chik ub’anikil rilik xa’rumal are k’o pa ub’anikil le k’ak’ Taqawokaj pa Iximulew ri’ chi kij ri kiq’atb’altzij ri’ kekowin ri’ kekilo, kakichakuj xuquje’ kakiya’o kub’sib’al k’u’x pa taq le Japache’ ri’”, xcha’ Rivas.

Pa le ub’anikil ilonb’al chakunem ri’ e k’o chik e 100 e ajchakunelab’ ri’  le k’o chik k’i uwach ub’anikil pa taq keta’mab’al ri’, e k’o e ajtob’anelab’ chi ke, e k’o ajno’jalinelab’ chi ke, e k’o ajtijonelab’ chi ke, e k’o e ajkunanelab’ chi ke ri’, e are wa’ e k’o pa le molaj chakunelab’ rech kechakun che kilik, che ub’anik utzil chi ke ri e ajpache’ ri’.

Are wa’ jun nim komonchak ri’

Eri k’exnik pa jun k’ak’ Wokajil Japache’ ri’ are qas kikaj uwach konojel ri winaq e aj iximulew ri’, rumal ri’ xwok uwach jun nim Molaj Wokajil rech ketatb’en ri’, jacha’ ri Organismo Judicial ri’ pa le utatb’enik ri Cámara Penal, ri Ministerio Público pa le utatb’enik Fiscalía rech B’anow Q’atoj Tzij ri’, ri Wokajil Ajchajil Tinamit, xuquje’ ri k’amal b’e chomanelab’ rech ri Sociedad Civil, chi ke ri’ are jun ri Iglesia Evangélica, ri Tanques rech Pensamientos, ri Ajtob’anelab’ rech ri Ya’talil Winaqil xuquje’ ri Wokajil pa kitaqb’al ri e Ajpoq’san Chak Meb’il ri’.

Pa we jun cholchak ri’ are ri qas katzukuxik are kitatb’enik ri wokajil e ajpoq’sal chak meb’il ri’, e are e ajb’anob’alil ri’ rech kakikoj fábricas ruk’ maquilas pa taq ri Japache’ ri’, chi’ k’u ri’ are rech b’a’ eri e ajpache’ kekowin k’ut k’o kakichakuj xuquje’ rech kakoj Nimatijob’al chi’ rumal ri’ kachomax uwach ri’ kuk’ taq le Nimatijob’al are rech kekowinik ke’ok pa le nimatijob’al rech kakitijoj kib’ ri’.

“Eri qatinamit ri’ are keraj loq’ taq winaq rech kakisuk’umaj kib’ rech te k’u ri’ ke’al b’ik pa Japache’ ri’ rech kakb’an utz che kib’ rech e junam ta chik jacha’ xe’ok pa japache ri’”, xcha’ ri Ministro Rivas.

COMPARTIR