Eri Ministro de Gobernación, Francisco Rivas Lara, xuya’ ub’ixik che “Tajin keqachajij ri winaq chi’ rech pa kub’sib’al k’u’x kek’oji pa Villa Nueva ri’, xuquje’ kojtajin che rilik rech kaqayak jun Japache’ chi’”, je ri’ xtzijon chi rij ri Japache’ kayak na ri’ rech kek’oji wi ri ixoqib’ kuk’ taq kal ri’, ri kek’oji wi ri ri’j winaq xuquje’ ri e yowab’ k’o k’ax yab’il chi ke.

eri jun k’ak’ japache’ ri kayak ri’, are kayakik pa jun nim peraj juyub’ rech ri Guatel ri’, xuquje’ are xya’taj loq rumal ri Nima K’amal b’e Jimmy Morales, rech kayakik jun K’ak’ Japache’ chi’.

 “Are wa’ ri nab’e b’anow xmajtaj chi’ rech kakoj jun Japache’ (SP) chi’, xa’rumal sib’alaj tajin utulujik ri’, are wa junam kub’ij che rajawaxik kasuk’umax ri’. Qeta’m che e k’o winaq man kikaj ta uwach ri’ qastzij ri’ k’o pa saqil kape koyowam rumal ri’, enk’ ri uj ujtoq’otil che uya’ik chajinik chi ke xuquje’ rech kaqak’ex uwach ri Japache’ ri’”, xcha’ ri Rivas Lara.

Q’atim nimab’e q’axb’al chi’

Pa saqarib’al ri’ eri winaq e jaqal pa Santa Isabel II xkiq’atij ri nimab’e kab’ek pa Saqplow ri’, rumal ri’ xeq’atatajik juntir winaq ch’ich’ keq’ax chi’.

Rumal k’u ri’ eri taqawokajnel xub’ij che “we kamik ri’ are jun k’ax ri’ xb’an chi ke ri winaq chi’, xa’rumal eri eqa’lenelab’ rech ri Wokajil Ajchajil Tinamit ri’, xetzijon kuk’ ri winaqil chi’ rech kakesaj kib’ chi’, rumal ri’ xmajtaj resaxik ri q’atenik kumal chi’.

Eri taqawokajnel ri’, xub’ij che ri Ajkalte rech Villa Nueva, reta’m ri are che k’o jun chak kab’an chi’ rech kayak ri K’ak’ Rachoch Japache’ chi’.

 “Eri uj k’a xmajtaj ri junab’ ri’, xaqamaj k’ut jun chomanik ruk’ ri ajkalte rech Villa Nueva, chi’ k’ur eri Erwin Escobar xya’ ub’ixik che k’o jun japache’ kayak chi’, xuquje’ are chi’ xb’e pa República Dominicana, chi’ k’ut xuto wi kayakik jun k’ak’ rachoch ri’ k’a chi’ k’u ri’ xchomaxik kayak jun japache’ pa Iximulew ri’”, xcha’ ri Lara.

 

COMPARTIR