Ri k’ak’ ub’anik taqanik pa wokajil japache’ pa kasuk’umaxik ri e ajpache’ ri’

400

Eri Viceministro rech Seguridad, Ricardo Guzmán xtatb’enik che utzijob’exik pa le UWAQXAQ Foro Internacional rech Ajno’jinelab’ pa Wokajil Japache’ ri’, chi’ k’u ri’ xuya’ wi ub’ixik che ri ub’antajik pa we kamik ri japache’ tz’apib’al pa we amaq’ xuquje’ chi rij ri kojb’al chuq’ab’ rech ukojik ri jun k’ak’ ub’anikil taqanem pa wokajil japache’ ri’ rech ub’anik utzilem che ronojel ri ya’talil chi ke ri winaqil ri’ xuquje’ rech kesuk’umaxik xuquje’ rech ketzalix pa taq kachoch kuk’ kiwinaqil ri’.

Eri viceministro Guzmán xub’ij che ya’om nim tob’anik chi rij ri’ kumal ri q’atb’altzij rech ri República Dominicana are k’ut sib’alaj ketajin che uno’jixik uwach we jun k’ak’ ub’anikil taqanem chak patan pa japache’ ri’ pa le kasuk’umaxik ri e ajpache’ xuquje’ rech kab’antaj kowinem ketzalij chik pa taq kachoch rech ruk’ wa’ kaq’atexik ri b’anow k’ax pa jumul chik.

 “Eri uno’jixik ri’ are rech k’o utzalaj b’anikil kb’an pa komonb’alil ub’anik ri’ are rech b’a’ eri cholchak chi kij ri e ajpache’ ri’ are rech b’a’ kesuk’umaxik rech man kakib’an ta chik k’ax aretaq ketzalij pa taq kachoch ri’, are wari’ utaqim unimaxik uwach we jun k’ak’ ub’anikil taqanik ri’”, xcha’ ri Guzmán.

Eri taqawokajnel ri’ xub’ij che are wa’ sib’alaj utz ub’antajik xb’anik ri’ pa le nimriqb’al ib’ che ri are wa’ ri nab’e xb’an pa we amaq’ ri’, rumal k’ut e k’o ri ajno’jinel ajtijonelab’ pa japache’ ri’ rech pa América Latina xuquje’ pa Europa ri kuk’ katajin wi utzijoxik uwach ri kik’aslemam ri’.

Eri Ismael Paniagua, Coordinador Nacional rech ri k’ak’ ub’anikil ri taqanem pa Japache’ ri’ ri k’o pa República Dominicana xuquje’ eri K’amal b’e Escuela Penitenciaria, xuya’ ub’ixik che kuna’ nim ki’kotem che rilik ri chak ri’ katajin ukojik pa Iximulew rech k’o kuk’ex uwach ri ub’anikil k’ak’ taqanem ri’.

 “We jun k’ak’ ub’anikil taqanem ri’ are utz umajtajik katajin ri’ xa’rumal k’o jun nim ya’talil tob’anik chi rij rumal ri Ministro rech Gobernación, Francisco Rivas Lara; rumal ri K’amal b’e Amaq’ Jimmy Morales, rumal utob’anik ri Embajada rech Estados Unidos pa le upatanil ri Sección rech Asuntos Antinarcóticos xuquje’ rech Kojb’al rech ri Taqanem ri’ (INL) xuquje’ ri rachb’ilanik ri República Dominicana ri’”,xha’ ri Paniagua.

Rech pa le ukojik we jun k’ak’ ub’anikilem e k’o chik ri nab’e puq eqa’lenelab’ rech ya’olchajinik xuquje’ rech ub’anik utzilem chi ke ri e ajpache’ ri’ eri eqa’lenelab’ ri’ e are e k’ak’al taq winaq ri kiya’om ronojel kanima’ che ri chak patan ri’, ruk’ kisuk’al kib’, ruk’ kino’jk’aslemalil ri’, ruk’ kikojik kib’ pa nimanik pa tinamit ri’ xuquje’ ruk’ ronojel kikojob’al pa le jun k’ak’ ub’anikil taqanem ri’.

Eri ajno’jinel ri’ xub’an jun nim sik’inik pixb’anik chi ke ri winaq tinamit rech kekojon b’a’ che ri jun k’ak’ ub’anikil taqanem chak patan ri’, pa le uq’atexik uchuq’ab’ ri b’anow k’ax ruk’ ri b’anow kamisanik pa we amaq’ ri’ xuquje’ ruk’ wa’ kab’antaj kowinem ruk’ kesuk’umaxik kino’jib’al kichomab’alil ri winaq e ajpache’ e tz’apilik ri’ pa jun 5 % ri’, ri are pa we kamik ri’ opaninaq uchuq’ab’ pa jun 50 %  ri’. Pa le nimriqb’al ib’ ri’ xetatb’enik e 89 ajchajinelab’ rech japache’ ri’ le k’a te xetijoxik pa República Dominicana, kuk’ ri puq ajno’jinelab’ ajtijonel kech pa k’i uwach taq ub’anikil tijob’enik ri’ ri ke’achb’ilam kech pa le tijob’en ib’ ri’.

COMPARTIR