E k’o ajchajil re Wokajil Pache’ Tz’apib’al xek’oji pa loq’olaj Mixa rech Tyoxinik chikaj

234

E k’o 89 winaq guatemaltecos e k’o pa le nab’e molaj rech k’ak’ e eqa’lenelab’ rech ri Wokajil Japache’ Tz’apib’al ri keraqataj pa le tijonem pa República Dominicana xek’oji pa le Mixa rech Maltyoxib’al rumal are uq’ij we kamik ri Nuestra Señora de las Mercedes, are kinan ri e tz’apil pache’ ri’ xuquje’ are ajto’l kech ri keraqataj pa k’ax ri’.

Eri ch’ab’al chikaj ri’ are xb’an pa le Nimataxtyox rech Santo Domingo, chi’ xek’oji wi ri e 35 chi achijab’ xuque’ ri e 54 ixoqib’ ri are kuwach ri nab’e molaj k’ak’ eqa’lenelab’ e ajchajil re pa Japache’ Tz’apib’al ri’ xuquje’ are jun xk’oji chi’ ri Embajador rech Iximulew pa República Dominicana Rudy Coxaj, xuquje’ eri mixa xb’an chi’ are rech xta chi rij kik’aslemalil ri k’ak’ eqa’lenelab’ katajin katijoxik ri kekoj pa chajinik pa japache’ ri’.

Eri eqa’lenelab’ chajinik ri’ Oxib’ ik’ kek’oji pa tijonem pa República Dominicana are rech qas kech’ob’on chi rij ri K’ak’ b’anikil chajinik pa japache’ ri’, are wa’ uwach ya’b’al uchuq’ab’ ri ya’olchajinik kab’an ri’ pa taq le k’ak’ Uwokajil uwach ri Japache’ Tz’apib’al ri’ xuquje’ rech kesuk’umax wi kib’antajil ri e ajpache’ pa Iximulew ri’, rech te k’u ri’ pa utzilem kakitz’aqatisaj uwach ri tojb’al kimak pa japache’ ri’ kachib’il ri’ taq kal, kalk’uwal ri k’a te kajib’ kijunab’ ri’.

COMPARTIR