Eri Wokajil Q’atb’altzij xuq’ansaj uq’ij uchak b’anom rumal ri Ministra rech Ya’olchajinik pa Amaq’ ri’ rumal ub’anik utzilem pa le Wokajil Japache’ ri’

183

Eri k’amal b’e rech ri Organismo Judicial (OJ) Ranulfo Rafael Rojas kuk’ ri nima q’atol tzij utz b’a’ xkilo ri chak patan katajin pa le Wokajil Japache’ ri’ rumal le Ministerios rech Gobernación ruk’ ri Defensa rumal ri utzalaj chak patan kib’anom pa taq le tz’apib’alil ri k’o pa Mariscal Zavala ri’.

“Sib’alaj utz xuquje’ rajawaxik eri q’atol tzij ri’ kaketa’maj che k’o katajin uchomaxik usuk’umaxik pa la japache’ tz’apib’al ri’, rech man k’ot jun itzelalaj ajpache’ kataq tane chi’ rech ke’uya’ ta pa k’ax nik’aj ajpache’ e tz’apilik chi’, xcha’ ri ministra rech Gobernación, Eunice Mendizábal.

Eri Mendizábal, ri ministro rech ri Defensa William Mancilla, ri viceministro rech Seguridad Elmer Sosa xuquje’ ri k’amal b’e rech ri Sistema Penitenciario Alexander Toro Maldonado, k’o jun ub’ixkil xkijacho chi rij ub’anikil ri Japache’ Tz’apib’al k’o Mariscal Zavala ri’.

Pa le molin ib’ chomanik ri’ eri k’amal b’e rech Wokajil Japache’ SP, k’o jun k’utb’al xub’an chi kuwach ri q’atol tzij ri’ chi rij ri katajin unimaxik chi’ pa le tz’apib’alil kojom chi’ xuquje’ chi rij ri ri usuk’umaxik ri keb’ upam ja tz’apib’al k’o pa le brigada militar ri’, are rech ke’uq’i’o ketz’apixik e 114 achijab’ e ajpache’ chi’.

Eri tz’apib’al xekojik chi’ are xa’rumal ri k’ax k’aqanik xk’ulmataj pa le torre rech tribunales aretaq xkik’aq kib’ chi kuwach nik’aj b’anol k’ax chi’.

Eri Ministra rech Gobernación sib’alaj xuya’ ub’ixik che we nik’aj chakunik ri’ are rech kasuk’umaxik upam taq ri japache’ tz’apib’al chi’ xuquje’ ruk’ ri xkojotajik pa Mariscal Zavala, rech man kakoj ta chik ri jun japache’ ri k’o pa Base Militar Matamoros ri’.

Nota: Wendy Álvarez
Fotos: Roberto López 

COMPARTIR