Pa le Ya’olchajinem tzukunik #Riximulew are Qech uj” k’o chik 30 e chapom chik

349

Eri wokajil ajchajil tinamit xkiya’ ub’ixik che e k’o chik e 30 chi ajb’anol k’ax toq’inik pwaq xuquje e kamisanelab’ rech ri barrio 18 xuquje’ rech ri Mara Salvatrucha e chapom chik ri’, are wa’ e xechapik pa le ukab’ q’ij rech ub’anil ri ya’olchajinik ri’ “Guatemala are Qech uj”, ri katajin chi’ pa nimatinamit, pa El Progreso, pa Santa Rosa, pa Jutiapa, pa Jalapa, pa Escuintla, pa Suchitepéquez xuquje’ pa Retalhuleu.

Eri Erwin Mayen, Subdirector ech rech ri Wokajil Ajchajil Tinamit (PNC), xuk’am uq’ab’il ub’ixik che are wari’ jun utzalaj b’anikil chak ketajin che ub’anik ri eqa’lenelab’ ri’ pa taq le ya’olchajinem tzukunik ketajinwi rech uya’ik uchuq’ab’ xuquje’ rech kub’sib’al k’u’x ri ya’olchajinik chi ke ri winaqilal e ajchak ri’ xuquje’ e suk’ taq winaq e k’o pa we amaq’ ri’.

 “Eri ajchajil tinamit rech we kamik ri’ jun chik kib’antajil ri’, rumal ri’ k’o nim kipatanil, pa le unimaxik kuwach kib’anikil ri winaq e ajchak e suk’ ri’, rumal ri’ aj jun che uya’ik uchuq’ab’ uk’ub’saxik ri ya’olchajinik ri’. Eri ya’olchajinem tzukunik we kamikr i’ are sib’alaj k’o nim upatanil ri’, xa’rumal ronojel qachuq’ab’ kojtajin che kiq’atexik kichapik nik’aj molaj b’anol k’ax ri’ ri man k’ot kik’olib’emal pa Iximulew ri’, eri jun nim ub’ixik chi ke ri nik’aj b’anol k’ax e kamisanelab’ ri’ xk’is k’ut ri b’anow xib’inem kumal xuquje’ xk’is k’ut ri kixib’ixik ri winaqil kumal, we are kikaj kewa’ ronojel q’ij kechakun b’a’ kojpa’ kakib’an le utzalaj taq winaq che ri kechakunik. In jun b’a’ ruk’ ri Ministro rech Gobernación xuquje’ ruk’ ri K’amal b’e Amaq’il pa le uki’kortirsaxik uwach ri ya’olchajinik tzukunem ri’ chi kij nik’aj b’anol k’ax ri’”, xcha’ ri Mayen.

Eri Stu Velasco, rech investigación Criminal rech ri PNC, xuya’ utzijol che xb’antaj kowinem xchapatajik ri a Carlos Gaitán, alias “El Dark”, kab’ixik are taqanel kech ri jun clica ub’i’ “Solo para Locos”, ri kab’ixik e k’o 40 winaq e ukamisam ri’, k’o jun inspector rech ajchajin tinamit ukamisam ri’.

 “Eri jun winaq ri’ are xchapik aretaq xoqatax kumal ri ajchajil tinamit ri’, rumal ri’ kojtajin k’ut che uya’ik jun nim q’atenik chi ke ri ajtoq’inel pwaq elaq’nik ri’. Eri jun b’anol k’ax ri’ are u’alias “El Dark” are kab’ixik k’o jun inspector rech ri PNC ukamisam ri’, pa taq keb’ ik’ kanoq xuquje’ are wa’ xchapataj we kamik ri’. Eri jun ya’olub’ixik chi ke ri’: Eri Nimatinamit Iximulew are rech taq ri winaqil che ri suk’ kino’jib’al kichomab’alil, are qech uj” xcha’ ri Velasco.

Eri xechapatajik e are taq wa’: a Josué Ordoñez, a Tayro Eduardo Garrido, a Berny López, a Jorge Galindo, a Anthony Villeda, a Edy Samuel Gómez, a Ronal Orellana, a Hugo Casasola, al Mirza Guamuch, al Katherin Joyero, al Miriam Rivera, al Juana Mancilla, al Arys Perez, al Noemí Marquez, al Josseline López, al Olga Rodriguez, al Ana Tepeu, al Dulce Alejandra Aguirre, al Nancy Alonzo, al Leonela Hernández, al Alba Estrada, al María Quelex, al  Julia Orlinda Del Rosario, al Damaris Ruano xuquje’ al Jennifer García ri’.

 

COMPARTIR