Eri Ministerio rech Gobernación pa komonchak ruk’ ri Ministerio Público k’o jun komon b’anow tzukunik xkib’an ri’ are rech xechapik jun molaj b’anol k’ax elaq’nik chi ke winaq e wa’katel pa nima b’e rech El Salvador.

Eri b’anow tzukunem ri’ are xb’antaj rumal ri Subdirección General rech Investigación Criminal (SGIC), rech ri Wokajil Ajchajil Tinamit k’o 23 chi tzukunik xkib’ano rech xkiterenb’ej unimaxik lajuj taqon kichapik winaq ri’ kab’ixik k’o nim elaq’, xuquje’ k’o elaq’an winaq kib’anom ri’.

Eri xechapatajik ri’ kab’ixik e are xkib’an elaq’ chi ke ri winaq salvadoreños, hondureños xuquje’ nicaragüenses e wa’katel chi’ ri xkiterenb’ej loq k’a pa k’ulb’a’t juyub’ amaq’il ri’, ri xkiq’atij kib’e rech te k’u ri’ xkik’am b’ik pa taq juyub’ katz’iniwik rech El Jocotillo, Santa Elena Barillas xuquje’ pa nima b’e kab’e El Salvador ri’, rech xkixib’ij xuquje’ xkesaj kijastaq keqa’m ri’.

Eri Viceministro rech Seguridad Ricardo Guzmán xuya’ ub’ixik che xb’antaj kowinem k’ut xechapik xa’rumal jun utzalaj ub’eyal tzukunik xb’an chi ke rumal ri k’ax xkib’an chi ke ri kipetib’al winaq e wa’katel chi’ pa amaq’ ri’.

 “Eri b’anow tzukunem ri’ are k’o jo’ob’ ik’ xnajtib’ ri’ are chi’ xeta’maxik ri k’ax xb’antaj kumal k’o ya’olchajinik xb’an chi ke xuquje’ xterenb’exik ruk’ pa uwokajil b’anow tzukunik ri’”, xcha’ Guzmán ri’.

Eri Subdirector General rech Investigación Criminal, Stu Velasco, xuya’ ub’ixik che xb’antaj kowinem xechapik are rumal ri xmolik tzijol q’alajisab’al kech ruk’ ri b’anow ch’ob’onik xb’an chi kij rech xeta’maxik jas ub’anikil ri k’ax tajin xkib’an jun molaj b’anol k’ax ri’.

 “Rumal xb’antaj ri jun nim tzukunem ri’ chi ke xujkowin k’ut xqach’ob’o che ri nik’aj b’anol k’ax ri’ nab’e na xkicho le winaq rech xkib’an k’ax chi ke, xuquje’ xqach’ob’o jas che ch’ich’ ruk’ ri kiplacas rech naj xkikoj ri’, eri e achalalil ri xkib’an k’ax chi ke xkiya’ kib’ xkib’an k’ax chi ke”, xcha’ ri Velasco.

Rumal k’ut xb’antaj kowinem xeq’atexik nik’aj b’anol k’ax ri’ k’o nim ya’olchajinik ya’talil ri’ chi ke ri e wa’katel wianq centroamericanos xuquje’ rech kaya’ ub’ixik chi ke rech chepet b’a’ che wa’katem pa we amaq’ ri’ pa taq le nimaq’ij rech agostinas ri’, xa’rumal k’o ronojel ya’olchajinik tob’anem chi ke kumal ri wokajil ajchajil tinamit ri’.

 “Kujtajin che ub’ixik che ri winaq e wa’katel ri’ che e chajitil b’a’ rech pa joremal kepe b’a’ chi’, e achb’ilam ri’ xuquje’ ketzijob’exik chi rij jumpa’ ke’achb’ilax chi’ pa le kipetik pa le k’isb’al wuqq’ij ri’ rech kepe chi’ sib’alaj kub’sib’al chi ke ri’”, xcha’ ri Guzmán.

Pa taq le tzukunem xb’anik xb’antaj kowinem k’ut xechapik e lajuj chi winaqil e b’anol k’ax ri’, xuquje’ k’o keb’ ch’ich’, keb’ k’aqb’al, k’o ch’a’wib’alil, ruk’ katena xuquje’ pwaq b’otolik xraqataj ri’.

Swiffy Output
COMPARTIR