K’o na jun chik toq’ob’ utzil chi ke ri e ajpache’ ri’ 

256

Eri ujaqik ri Nab’e Tijob’al rech Kasuk’umaxik ri Winaq e  k’o pache’ Fraijanes 1, are wa’ jun nim toq’ob’ utzil chi ke taq ixoqib’ we kamik rumal ri Ministro rech Gobernación, Francisco Rivas Lara xuquje’ ri K’amal be rech Amaq’il, Jimmy Morales ri’.

Are wa’ ri nab’e tijob’al che ri kajaq chi’ pa le K’ak’ Taqanem pa Japache’ ri’, che ri kunimaj ri ya’talil chi ke ri winaqilal xuquje’ ri rech kasuk’umaxik ri e ajpache’ ri’.

Eri Ministro Rivas xuya’ ub’ixik che man are ta wa’ jun japache’ tz’apib’al ri’, are wari’ jun tijob’al rech suk’umal ib’ xuquje’ rech kasuk’umax b’ik kichomab’alil ri e ajpache’ ri’ are wa’ rech kasuk’umaxik ri b’anom k’ax che sachinaq ri’, rech b’a’ kakoj k’ak’ taq ub’anikil chak patanem ri’, che ri are kuya’ k’ak’ cholchak rech k’aslemalil ri’.

“We Qakomon winaqil ri’ are karaj winaq che tzij kakiya’ kanoq ri Japache’ Tz’apib’al ri’ rech kakib’an utz che kib’ ri’ rech man junam ta chik jacha’ xe’ok pache’ ri’”, xcha’ ri Rivas.

Eri K’amal b’e Morales, xutzijoj che ri katajin ujachik che ri winaqil tinamit aj Iximulew jun ja k’olib’al ri’ ri xesax pa kiq’ab’ ri e itzel taq ajpatanel ri’ xuquje’ rumal wari’ kajach jun k’ak’ tijob’al ri’, are rech uwach ri k’exnem katajin pa le Wokajil Japache’ ri’ pa we amaq’.

“Xaqachomaj b’a’ rech kaqaloq’oj uwach xuquje’ kaqaya’o uchuq’ab’ ri wokajil japache’ rech Iximulew ri’, rumal ri’ qachomam uj rech kaqaya’o jun utzalaj ub’anikil ri’ rech kakojik jun k’ak’ ja k’olib’al rech kukub’isaj ri chak patan taqim unimaxik pa taq wokajilal ri’, kaqaj uj kaqesaj pa k’ax ri japache’ pa le ub’anikil kanoq rech 50 junab’ chik ri’, rumal eri ajpatanelab’ chi rij ri’ man xekowintaj xkisuk’umaj uwach ri japache’ ri’”, xcha’ ri Morales.

Xuquje’ xub’ij che k’o upatan ri ub’eyal komonchak b’anom ri’, ri b’anom kuk’ ri k’amal b’e q’atol tzij rech ri Estados Unidos, ri kuk’ junam kichakum uwch ri k’ak’ taqanem rajawaxik ri’ xuquej’ rech kakojik jun k’ak’ taqanem pa japache’ ri’ che ri kuk’am ri utz b’e rech suk’umal ib’ ri’.

Pa le molinik ri’ xuquje’ xtatb’enik ri Secretario de Estado rech Asuntos Internacionales rech Narcóticos xuquje’ rech Kanimaxik ri Taqanem ri’, William Brownfield rachib’il ri Embajador rech Estados Unidos, Todd Robinson xuquje’ ri Virginia Staab, K’amal b’e rech ri Sección rech Asuntos Antinarcóticos xuquje’ rech kojb’al ri Taqanem ri’ (INL).

Eri Secretario Brownfield xuya’ ub’ixik che utz kurilo ri tijob’al chuq’ab’ chak b’anom kumal ri’ q’atb’altzij chi’ rumal xkichomaj kakijal uwach ri taqanem pa japache’ ri’ pa we amaq’, rumal are wa’ kusuk’aj kiq’atexik ri nik’aj maras kuk’ nik’aj pandillas, eri awan kunb’alil ri’, ruk’ ri b’anow k’ax are tajin uya’om k’axk’olil chi ke taq ri winaq tinamit pa we amaq’ ri’.

Eri k’ak’ Taqanem rech Chak patan pa japache’ ri’ are xb’antaj kowinem ruk’ xab’a’ maltyox che ri tob’anik uya’om loq ri Q’atolt zij k’amal b’e rech ri Estados Unidos rumal ri’ we kamik are uya’om loq chi’ $ 1.5 millones rech pwaq dólares xuquje’ are ub’im chik kuya’ na $ 8 millones pwaqil chik pa jun chik junab’, xcha’ ri Brownfield.

Eri ukiy unimal k’o che ri jun k’ak’ tijob’al ri’ are ri chajinim ya’tal chi’ kumal ri k’ak’ taq eqa’lenelab’ ya’olchajinik chi’ xuquje’ rech kakichajij pa juntir ri japache’ ri’ (VTP), che xepe loq pa tijob’enik pa República Dominicana.

Eri Ministro Rivas xe’utoq’ij ri eqa’lenelab’ ri’ VTP rech kakikowij kib’, rech kakib’an suk’ che kib’ ri’ xuquje’ rech qastzij man k’ot uxulanem kumal xa’rumal e kub’sib’al k’u’x ri’ xuquje’ rumal b’a’ ya’tal juntir ri chokonsab’al ri rajawaxik chi ke ri’.

We jun nab’e chi ke ri jo’ob’ tijob’al rech suk’umal ib’ ri’ are tajin reyexik kak’is uyakik pa we junab’ ri’ are ri’ le K’ak’ Uwach Taqanem pa Japache’ ri’.

COMPARTIR