Pa kiwokajil ri e ajchajil tinamit ketajin che katijoxik rech Ketob’anik che ya’olchajinik che ri ropanb’al jukub’ ri’

81

Eri eqa’lenelab’ rech ri Sub Dirección General rech Tzijob’enik Antinarcótica (SGAIA) xuquje’ ri Wokajil rech Tzukno’jchak chi rij taq k’aqb’alil ri’  (DIDAE) xetatb’en pa taq le tijob’enik rech Upatanixik ri Ya’oltob’anik che ri Ropanb’al Jukub’ kapetik pa uwi plow ri’, are wa’ b’anikil xb’antaj pa le rachochib’al ri Puerto Quetzal, pa le juyub’ tinamit rech Escuintla, are rech uchomaxik ya’oltob’anem chajinik ri’ xuquje’ are wa’ xb’antaj pa komon kuk’ ri wokajil kuk’ ri q’atb’altzij rech ropanb’al jukub’ ri’.

Pa le jo’ob’ b’anikil ri’ che ri xchomax kumal ri e ajchak ri’ xuquje’ kumal ri eqa’lenelab’ rech ri Wokajil Ajchajil Tinamit rech b’anikil antinarcóticos kuk’ ri Tz’i’ e k’amal b’e pa le tzukno’chak ri’, ri tz’i’ K-9 xuquje’ ri eqa’lenelab’ rech ri Escuadrón Antibombas, sib’alaj xya’taj ub’ixik che k’o jun nim molaj k’aqb’al xok loq chi’ ma usaqil ri’, ruk’ poq’sab’al kumal ri b’anol k’ax ri’, ri aj awan kunb’alil xuquje’ ruk’ jun b’anow pora’n che ri xa’ xtiq’ ri’.

 

Sib’alaj ajno’jchakunel utatb’enik ri PNC ri’

Pa ronojel taq ri b’iw b’anow k’ax kamisanik ri’ xetatb’en wi ri eqa’lenel ajchajil tinamit rech pa uq’atexik ri’, jacha’ ri uq’atexik ukojik ri jastaq maj pa usaqil rokik chi’, jacha’ tane’ xb’ixik che k’o jun molaj awan kunb’alil pa le Muelle Comercial chi’ xuquje’ xb’an che xchapataj tane’ jun aj awan kunb’alil ri’.

Xuquje’ k’o nik’aj etab’anik xb’an ri’, eri rajchak ri DIDAE qastzij b’a’ k’o xuraq tane’ pa le Muelle auxiliar rech ri Portuaria ri’ aretaq xraqataj jun poq’sab’al tane’ chi’ are xq’atexik xuquje’ are wa’ xesax b’ik chi’, are wa’ xekowin ri e ajchak chi’ xkesaj b’ik xuquje’ rech maj ub’anik k’ax kub’an tane’ che ri rachoch uk’olib’alil ri’.

Eri rachib’al q’aten b’anow k’ax ri’ are xkib’an rajchak ri Gerencia rech Operaciones rumal che k’o jun tz’ilinem xb’antaj chi’ rumal ri uk’u’x taq kunb’alil ri’, rumal ri’ xe’opan chi’ ri e ajtob’anel chi ke ri xesakataj chi’.

Eri jun b’anikil pa tinamit rech Protección Portuaria, che ri pa komon xchoma ub’anik rumal ri Comisión Portuaria Nacional (CPN) xuquje’ are jun xk’oji chi’ rajchak ri SGAIA xuquje’ ri DIDAE rech ri PNC, ri tob’anelab’ rech ri Capitanía rech Puerto, Migración, Aduanas, Cuerpo rech  bomberos, ri Coordinadora Nacional rech q’atel b’anow k’axk’olil (CONRED) ri xkik’ut ri chak patan che ri kekowin che ub’anik ri’ pa le uya’ik chajinik pa taq le ropanb’alil jukub’alil ri’.

Eri ajilonel kepe pa taq nik’aj chik nimatinamit

Pa juntir taq le b’anikil ri’ xetatb’enik ri e ajilonelab’ rajtaqo’n ri Comité Interamericano Contra ri Terrorismo (CICTE), rech ri Organización rech ri  Estados Americanos (OEA) rech ri b’anikil Guardacostas rech ri Estados Unidos Americanos (OEA) xuquje’ ri Ministerio rech Transporte rech Canadá ri’.

 

COMPARTIR