Pa kiwokajil ri PNC xkik’utu ub’anikil kichak patan ub’i’ “Uk’a’xik Chajin Tinamit ri’” ri kojom pa le kiq’atexik ri b’anol taq k’ax ri’

418

Eri tatb’enelab’ chi’ che ri e k’o pa le b’anow uk’a’xil rech ri ESFOP pa taq ri rachoch k’olib’al ri Tijob’al rech ri Wokajil Ajchajil Tinamit (PNC), xekowin k’ut che ri k’utb’al b’anow “Uk’a’xil Chajin Tinamit ri’” chi’ k’u ri’ pa uk’iyal kiwokajil ri puqil xkik’ut ri kekowin che ub’anik ri’ pa le upatanixik kichak ri’ pa le uq’atexikr ib’anow taq k’ax ri’.

Pa le ropanb’anik ri’ xetatb’enik ri k’ak’ taq Urox Taqanelab’ rech ri ESFOP, ri e ajtijoxel rech ri Tijob’al rech ri PNC, ri rech Uk’u’x Wokajil ri’, ri rech ri Subdirección rech Análisis xuquje’ rech Información Antinarcótica (SGAIA), are jun ri División rech ri Fuerzas Especiales rech ri Ajchajin Tinamit (FEP), are jun ri División rech ri Protección che ri Uwach Ulew ri’ (DIPRONA), are jun ri Unidad rech ri División rech Seguridad Turística, are jun ri Grupo rech Acción Rápida (GAR), xuquje’ are jun ri División rech Investigación, Desactivación rech K’aqb’alil xuquje’ poq’sab’al ri’ (DIDAE),e are ri’ xkiya’ reta’maxik ri ub’anikil kab’an che ri upatanixik ri ub’eyal taq b’anow che ri kojom pa le kiq’atexik ri b’anow k’ax pa juntir taq uwachil pa we amaq’ ri’.

Eri Ministro rech Gobernación, Francisco Rivas Lara, e rachb’ilam ri vice ministros Vilma Xicará xuquje’ ri Ricardo Guzmán jeri’ ri K’amal b’e rech ri PNC xuya’ ub’ixik che kuya’o utzijoxik ri’ kuk’ ri eqa’lenel e ajchajil tinamit ruk’ ronojel uq’ijol ri’, le jun ya’talil che pa le uya’ik utzijob’exik ri b’anikil kakoj pa taq le uk’a’xil b’anow pa le chajin tinamit ri’.

Pa le rokeb’al Unimaq’ij rech Tz’aqatisab’al Ujunab’ ri PNC ri’ eri Rivas Lara xuya’ ri’, che b’antaj juwinaq uwach junab’ che xmajtaj loq we jun tzijol rech nab’e xuquje pa we q’ij kamik ri’, eri wokajil are wokom uwach pa ub’anikil junamil ri’, kunimaj ri ya’talil winaqil ri’ ruk’ jun k’ak’ ilob’al chomal rech ri’ xuquje’ ruk’ jun k’ak’ uk’u’xeta’mab’al ri’.

“Eri ix ri’ kik’ut chi kuwach konojle ri eqa’lenelab’ che k’o tijob’al chuq’ab’ kib’an pa ronojel taq q’ij ri’ pa le ya’olchajinik ri’, pa le ya’ol jorob’anem xuquje’ pa le jikom ja’mril ri’ che ri winaqilal ri’ ri tajin kakita rech kechomax pa q’atb’altzij ri’, pa junamil ri’, pa ya’olchajinik chi ke ri’ xuquje’ rech uya’ik joremal chi ke ri’”, xcha’ ri Ministro chi ke ri eqa’lenel e ajchajil tinamit che ri xkik’ut uk’a’xil b’anikil pa le chajin tinamit ri’.

We kamik xek’oji pa le k’utb’al rech ronojel uwach b’anikil che ri kukoj ri wokajil ajchajil tinamit pa le ya’olchajinik chi ke konojel ri winaq e iximulew ri’ xuquje’ xuk’iso uki’kotirsaxik kuwach ri puq e sak’ajil eqa’lenelab’ pa kiwokajil ri PNC ri’.

Are wa’ jun nitz’ k’utb’al rech ronojel ri reta’mab’al ri ajchajil tinamit ri’

En k’u ri’ K’amal b’e rech ri PNC, Nery Ramos y Ramos xkub’isaj ub’ixik eri e eqa’lenelab’ ri’ e k’o chi’ rech kek’oji pa jun nitz’ k’utb’al rech ronojel uwach reta’mab’alil winaqil ri’ che ri kuya’o ub’ixik chi rij ri kekowin che ub’anik ri e sak’ajil ajnojchakunelab’ ri rech ri 37 mil chi achijab’ xuquje’ e ixoqib’ che ri kechakun pa le PNC ri’.

“We jun wokajil ri’ b’antaj juwinaq junab’ xa’lax ri’ xuquje’ we kamik xuwinaqirsaj uwach jun loq’ tinamit jri’ xuquje’ rech kechakun che kanimaxik ri tinamit ri’ are kaqaloq’oj ri’ xuquje’ rumal ri’ chi ke ri e are kojchakun ri’ pane’ kaqaya’o qib’ kujkamisax ri’”, xcha’ ri Ramos y Ramos ri’.

“Kib’anikil e Ajchajil Tinamit ri’” kakik’ut uwach kino’jchakub’al ri’ xuquje’ ri keqale’mnik ri’

Eri ucholajil kesolib’ ri’ xuquje’ ri kicholb’inem ri eqa’lenel rech ri Escuela rech Oficiales rech ri Ajchajil Tinamit xkiya’o pa k’utem kik’utb’alil ri División rech Seguridad Turística  pa inglés tzij kumal ri eqa’lenel rech ri DISETUR, xuquje’ ri rech ri Escuadrón Anti explosivos chi’ k’u ri’ eri eqa’lenelab’ xkik’ut uwach ronojel ri kekowin che ub’anik pa le resaxik uchupik ri jun nim poq’sab’al tane’ ri’.

Te k’u ri’ chik pa kiwokajil ri GAR, GRILL, FEP  xuquje’ ruk’ keb’ ch’ich’ rech eqa’nib’al ri’ are xkikoj che ujipixik ja’, are xkikoj pa le k’utem xkib’an ri’ areaq xkito’ jun winaq k’amom b’ik kumal b’anol k’ax ri’ xuquje’ pa le kiq’atexik ri winaq che ri tajin xkiq’atij rech ke’ok ta pache’ nik’aj b’anol k’ax ri’.

Pa k’isb’al rech ri’ eri Comando Antisecuestros  xuya’ pa k’utik ri keta’mab’alil e ajchajil tinamit kakikoj pa le kichak patan ri’, pa le ya’ow chololem ri’ xuquje’ pa le nimantzij aretaq keraqik jawchi’ keraqataj wi ri b’anol k’ax kakeleq’aj winaq ri’, rech kechapik xuquje’ rech te k’u ri’ kesax pa saq ri winaq che ri kakib’an k’ax che.

COMPARTIR