Pa le keb’ q’ij rech Julio eri Renap k’o chik ri’ k’ak’ Uk’amal b’e

177

Pa le keb’ q’ij rech julio eri Wokajil rech Kitzijol Winaqib’ (RENAP) k’o chik ri’ k’ak’ Uk’amal b’e ri’, aretaq eri q’atb’altzij cha’el rech ri wokotal uwach kumal ri Rudy Marlon Pineda, K’amal Ub’e xuquje’ Nimtaqanel rech ri Tribunal Supremo Electoral, ri Jorge Mario Valenzuela rech ri TSE xuquje’ pa uk’exel ri Ministro rech Gobernación, xk’oji ri Ricardo Guzmán Viceministro rech Ya’olchajinik, xkik’is ri k’otowkitzij ri e julajuj ajno’jchakunel e ajcha’el che ri k’amow b’e ri’.

E are k’u ri’ xkijach uwach ri kicholchak xuquje’ xiya’ ub’ixik ri’, che pa aninaqil ri’ kab’an ujachik ri Wujilal rech Kitzijol Winaqil ri’ (DPI), uya’ik uchuq’ab’il ri pwaqil rech tojb’al chak patan ri’; rech ub’anik nimchakunem ri’, rech ma paqal taj kesax wi ri wujilal ri’, kichomaxik ri qawinaq keraqataj pa najtinamit ri’ rech kekowinik kakesaj ri kiDPI ri’, rech ukojik k’ak’ chakub’al rech no’jb’anem ri’, rech uq’atexik b’anow eleq’anik pa taqawokajil ri’ xuquje’ rech k’ak’ kab’an che Ucholajisaxik kib’i’ kitzijol ri winaqil ri’.

Eri e ajcha’el ri’ e are wari’: a Herbert Alberto López, a Sergio Roberto Barillas, a Rodolfo Estuardo Arriaga, a Enrique Octavio Alonso, a Edwin Vitola Vitola, a Juan Carlos Herrera San José, a Mario Rolando Sosa Vásquez,a  Marco Antonio Villatoro Ramírez, a Luis Humberto Chinchilla López, a Walter Erick Mendizabal Sandoval, xuquej’ ri al Olga María Matta Bailón ri’.

Rumal wa’ eri Pineda xub’ij che nimininaq ruk’ ri cholb’al chak ri’ rech katzukux b’a’ ri jun winaq qastzij kakowin che uchapik jun eqa’lenib’al pa le RENAP ri’ xuquje’ we kamikr i’ rech kacha’ik ri jun utzalaj ajno’chakunel ri’.

“Pa le cholchak ri’ are qanimam uwach ri q’ij ri’, eri julajuj chi e ajcha’el ri’ che ri xk’ot kitzij ri’, eri komon e ajcha’el kech ri’ are kik’amom jun utzalaj kichomab’al chi rij pa we q’ij ri’, rumal k’ut pa le keb’ q’ij rech julio ri’ kak’is le uq’ij ri kamik ri’”, xcha’ ri k’amal ub’e ri e ajcha’el ri’.

Eri kib’i’ ri e ajcha’el pa nab’e kanoq e are 16 ri’, chi ke k’u ri’ xa’ e 11 chik xel kanoq e are k’u ri’ xkijach ri’ xkiya’ ub’ixik pa 10 minut ri kicholchal kichoman kakipatanij pa le RENAP ri’ wexa’ k’ut kechatajik.

COMPARTIR