Pa le k’olib’al pache’ rech Jutiapa k’o jun ub’anikil rech kub’an utzil che ri ja’ ri’

106

Eri rajawaxik rech kak’oji kija’ ri winaq e k’o pache’ chi’ pa Jutiapa k’o jun ub’anikil rech kusik’ ri ja’ rech kub’an sib’alaj utz chech pa juntir le pache’ ri’.

Eri uno’jixik ri’ jeri’ xroqxa’nij jun winaq k’o pache’ chi’ rumal ri are xurilo che rajawaxik kakoj jun ub’anikil rech kasik’ ri ja’ chi’, rech kab’an saq chech ri’ ja’ ri’, rech majun t’ur taj kasach panoq ri’ xuquje’ ruk’ wari’ are kab’antaj kowinem kakol panik’aj che ri ja’ chi’ kumal konojel ri winaq e tz’apil pache’ chi’.

Ruk’ kitob’anik ri winaq e k’o panoq xuquje’ ruk’ nino’jchakunik xb’antaj kowinem k’ut rech xraqik ri chokonsab’al rech xkoj che uyakik we jun cholchak rech kasuk’b’ax ri ja’ are rech kuya’ utzilem chi ke e 350 winaq e k’o pache’ chi’.

Eri jun b’anikil ri’ are kojom che usik’ik ja’ pa taq uq’ij kajab’an ri’, are wari’ kasik’ pa taq nima’q rab’arik k’olib’alil che ri kojom pa uwi’ ri japache’ chi’ che ri kojom wi ri k’olib’alil rech chuwach ri japache’ ri’, xuquje’ e pa saq’ij ri’ ruk’ utob’anik Q’atb’altzij k’o ja’ kutaq uya’om pache’ ri’.

Eri Carlos, jun achi k’o pache’ ri’, aretaq xok we jun cholchak rech ub’anik utzilem chech ri ja’ ri’ kub’ij che ruk’ wa’ jun b’anow utzil ri’ eri winaq e tz’apil chi’, k’o chik kija’ kakikoj chi’, rumal k’u eri ja’ utzursam ri’ are kakikoj pa jumul chik pa taq le tzaqb’al ib’ chi’.

Eri rajawtzij Pache’ k’o rech Jutiapa ri’, are jun chi taqanel rech ri Wokajil Ajchajil Tinamit, Donado Martínez, xuya’ ub’ixik che ronojel taq ri cholchak kojom chi’ are kojom ri’ rech xuya’o jun nim k’exnik pa kik’aslemal ri e ajpache’ chi’, rumal ri’ maj chik b’anow toq’inik pwaq, maj utayik pwaq, maj b’anow k’ax chi ke ri’ xuquje’ xb’antaj kowinem pa joremal e k’o chi’.

COMPARTIR