Pa le tzukunem xb’an kumal e ajchajil tinamit xchapataj jun taqanel rech jun molaj b’anol k’ax ri’

60

 

Pa 80 chi b’anow tzukunem xb’an kumal ri eqa’lenel rech ri División Especializada rech Investigación Criminal (DEIC) xuquje’ rech ri Wokajil Ajchajil Tinamit (PNC) kuk’ ri q’atol tzij rech ri Ministerio Público (MP), xekowin che kichapik e oxib’ winaq b’anol k’ax pa le 14 avenida 7-89 zona 1 rech Villa Nueva, Colonia San Miguelito, kab’ixik e are kakitoq’ij pwaq chi ke winaq xuquje’ e kamisal winaq ri’ ch eri kakaj ta kakitoj ri pwaq chi ke.

Eri xechapataj ri’ e are: ri Malfin Yomara García 27 ujunab’, k’amal b’e rech ri jun molaj b’anol k’ax ri’, a Daniel David Rivera Gamarro 23 ujunab’ xuquje’ a José Daniel Guarcas Pablo 17 ujunab’ ri’ (are kamisanel ri’) kuk’ nik’aj b’anol k’ax ri’ xraqataj wi’ keb’ k’aqb’alil calibre 9 milímetro, jun raqarik k’aqb’al, jo’ob’ ch’a’wb’alil xuquje’ k’i ub’aq’ k’aqb’alil rech raqarik k’aqb’al ri’ xuquje’ ruk’ awan kunb’alil xuquje’ kab’ixik e uwinaq ri jun molaj b’anol k’ax ub’i’ Latin Family rech ri Barrio 18 ri’.

Eri nik’aj winaq ri’ aretaq xechapik xek’am b’ik pa nimq’atb’altzij ri’ chi rij ri k’ax xkib’ano.

Eri b’anow tzukunem ri’ are rech pa kaq’atexik ri k’ax tajin xkib’an ri jun molaj b’anol k’ax ri’ ub’i’ Latin Family rech ri Barrio 18 xuquje’ ri jun chik ub’i’ nik’aj imitadores ri’ che ri k’o Q369,810 chi pwaqilem xkimol pa le b’anol taq k’ax ri’.