Pa le tzukunem xb’anik e k’o e 32 chi ak’alab’ xeraqatajik e kojom pa k’ax chak ri’

79

 

Xaq pa nimaq’ab’ ri’, eri eqa’lenel rech ri Subdirección General rech Investigación Criminal (SGIC) xuquje’ ri q’atol tzij rech ri Ministerio Público (MP), e k’o e 32 chi ak’alab’ xkiraq k’ut e kojom pa k’ax chak ri’ pa taq k’ayib’al xuquje’ pa taq kojb’al wa ri’ xuquje’ pa taq kojb’al wa ri’ pa taq le tinamit reh San Miguel Petapa, Villa Nuevo xuquje’ Amatitlán.

K’o 80 chi tzukunik xb’antaj ri’ rech xe’esaxik ri taq ak’alab’ pa k’ax chak e kojom wiri’. Eri b’anow tzukunem ri’ are xtaq ub’anik pa komonb’al rumal ri Ministerio rech Gobernación rech q’atel ub’anik k’ax chi ke ri’, rech ke’esax pa k’ax chak ri’.

E k’o k’ut 32 chi ak’alab’ xe’esax pa k’ax chak ri’ eri kijunab’ are keb’ pa wuqlajuj kijunab’ ri’, konojel ri’ e kojom pa k’axalaj chak ri’.
ya’tal katzijol ri’ eri ak’alab’ e tojom Q800 pa Q900 xuquje’ Q1000 chi pwaqil e tojom chi taq ik’ ri’ xuquje’ man utz ta kilik b’anom pa taq e kojom wi’ pa chak ri’.

K’o jun ali xraqataj pa jun kojb’al wa’ pa San Miguel Petapa, ri are xtaq b’ik pa PGN rumal kojom pa k’axalaj chak ri’, xuquje’ xilotajik che ub’anom k’a pa taq uq’ab’ xuquje’ k’atanaq ri’.

“Eri taqim are ke’esax pa taq ri k’ax ri ak’alab’ le taq ali le taq ala che b’anom k’ax chi ke pa chak ri’, k’o xeraqataj pa taq kojb’al wa’, pa taq k’ayib’al ri’, k’o che keb’e pa taq tinamit pa we amaq’, rech kakitzukuj taq ak’alab’ taq ali rech kakikoj pa k’axalaj taq chak ri’ xuquje’ kakijit kajil xuquje’ kachoch kek’oji wi’, aretaq ketajin chik pa chak k’o uxulanem chi ke rumal k’o 16 kajb’al kechakun pa jun q’ij ri’, xuquje’ man utz ri kewar wi’ kek’oji wi’”, xcha’ ri Pablo Castillo ajtzijolinel rech ajchajil tinamit.

Eri xechapatajik

We chanim ri’ e k’o oxib’ e chapm chik.

COMPARTIR