Pa le tzukunem ya’olchajinik ri’ e k’o kajib’ winaq xechap ri’ kab’ixik e are xkikamisaj ri ajtoq’anel chomanik ri’

172

Rumal ri chakum pa taq le b’anow tzukno’jchak chi rij wari’, eri eqa’lenelab’ rech ri Wokajil Ajchajil Tinamit (PNC), kuk’ ri Q’atol tzij rech ri Ministerio Público (MP) k’o 34 chi b’anow tzukunem xkib’an ri’ rech xkichapo e jo’ob’ winaq kab’ixik e are xkikamisaj jun achi’ ajtoq’inel chomanik pa le zona 17 pa junab’ir kanoq, jeri’ xkiya’ utzijol ri q’atb’altzij rech ri PNC.

Eri eqa’lenelab’ rech ri PNC xe’ok pa taq k’iyalaj achochib’al ri’ pa le b’anow tzukunem ri’ chi ke ri’ pa 17 chi achochib’al katajin wiri’ le tzukunik pa zona 17, jeri’, pa 17 pa taq le zonas 2, 14 xuquje’ pa 18 rech pa uk’u’x nimatinamit ri’.

We kamik ri’ e k’o kajib’ winaq e chapom chik e are wari’: a Ivan Estuardo Poitevin Aldana, xchap pa 2da avenida 17-06 cantón central, Canalitos zona 24 pa uk’u’x nimatinamit ri’.

Xuquje’ xechapatajik a Gerson Emilio Ovando Salazar, pa le manzana 70, lote 2C, cantón porvenir, Canalitos zona 24 pa uk’u’x nimatinamit ri’.

Ri Karla Virginia Ramírez Orellana, xchap pa le 31 Avenida A, 5-13 colonia Galilea l, zona 18 pa uk’u’x nimatinamit ri’.

A Marvin Oswaldo Yax Pérez, ri are xchap pa le 12 Avenida, 12-13, Residenciales Atlántida, zona 18 pa uk’u’x nimatinamit ri’.

Eri katzijolil ri’

Eri b’anow k’ax ri’ are xkib’an pa le nab’e q’ij rech Septiembre rech pa junab’ir, pa le 13 calle, 14-30, colonia Aceituno, pa zona 17 pa uk’u’x nimatinamit, xkikamisaj ri achi ub’i’ Tomas Francisco Ocho Salazar, are Secretario General rech ri Sindicato kech Ajchak rech K’iyom ti’ij ri’ eri achi’ ri’ chi’ xkam wi xuquje’ k’o jun chik xsakataj kanoq ri’. Xkib’an k’ax chi rij ri uchak patan k’o ri’ kanoq.