Pa Santa María Visitación, lajuj junab’ chik majun b’anow kamisanik chi’

89

Pa le juyub’ tinamit rech 22.5 kilómetros pa ukajtzalajil xuquje’ e k’o wi e 3,500 chi winaqilal ri’, eri Santa María Visitación, Tz’oloja’ ri’, chi’ k’o chik lajuj junb’a ok’owinaq majun kamisanik b’anom ri’. Eri tzijol xya’taj rumal ri Ministerio rech Gobernación (Mingob), pa tinamit ri’ majun b’anow kamisanik k’ulmam chi’ k’a pa le 2008.

E pa tinamit ri’ chi’ ok’owinaq naj junab’ chik majun b’anow k’ax k’ulmam chi’. E pa le wuqub’ chik tinamit panoq, xuquje’ majun b’anow kamisanik ilom tane’ chi’ k’a pa 2012. Pa taq ri tinamit ri’ rech: San José Chacayá, San Juan La Laguna xuquje’ pa San Marcos La Laguna, en Sololá; pa San Rafael La Independencia, Huehuetenango; Patzité, Quiché; Santa Catarina Barahona, Sacatepéquez xuquje’ pa San Antonio Sacatepéquez, San Marcos ri’.

Chi’ pa taq tinamit ri’ majun ta b’anow k’ax k’ulmam chi’. Eri utzijol rumal ri Mingob are kuq’at ub’ixik che pa le 2017 e 74 chik chi tinamit xkitun kib’ ri’ le majun b’anow k’ax kiraqom ri’. Eri rajilab’al ub’ixik ri’ are kuk’utu che pa 36 chi tinamit ri’ majun b’anow k’ax kamisanik k’ulmam chi’, majun winaq sakom chi’, e pa taq nik’aj chik xaq xu’ wiri k’o kisakom kib’ ri’.

Eri rajilab’al ub’ixik che pa junab’ir kanoq eri winaqilal chi’ rech ri 11 chi ke ri 30 tinamti rech San Marcos majun taj kiraqom wi k’ax ri’. Jeri’ pa le lajuj chik rech ri 32 tinamit chik che ri keraqataj pa le juyub’ tinamti rech Chinab’jul.

Pa Tz’oloja’ ri’ e k’o e jo’ob’ tinamit chupam ri’ che ri pa le junab’ kik’aslemam uwach taq ri’ majun b’anow k’ax kamisanik raqom tane’ chi’, juntir wari pa le 2017 pa ronojel taq le tinamit ri’ majun b’anow k’ax xk’ulmataj tane’ chi’.

Xuquje’ e pa le ub’ixik ri rajilab’al utzijoxik ri’, we jun rajilab’al ub’ixik ri’ kub’ij che pa b’elejeb’ tinamit rech Xe’laju, pa waqxaqib’ rech K’iche’, wuqub’ rech Sacatepéquez, jeri pa oxib’ chik rech Suchitepéquez, pa oxib’ rech Chimaltenango jeri pa Alta Verapaz ri’.

Xuquje’ jeri pa keb’ rech Baja Verapaz ri’ xuquje’ jeri pa keb’ rech Retalhulew ri’, jeri’ majun pa taq le tinamit rech Iximulew, rech Chuwi’meq’ina’ xuquje’ pa Petén ri’.

Eri qas k’o kupatanij ri’ we ri q’atb’altzij kakil rij che jas che majun b’anow k’ax kamisan winaq pa taq le tinamit ri’ xuquje’ wet jeri kakib’ano pa taq nik’aj chik tinamit panoq xuquje’ wet jeri’ kajipix ub’anikil ri’ pa le uya’ik utzil chi ke ri winaq tinamit pa konojel ri’.

COMPARTIR