Eri rachoch ya’olchajinik ri’ ke’uq’i’ e 80 eqa’lenelab’ pa le k’ak’ k’olib’al ya’olchajinem rech ri Wokajil Ajchajil Tinamit rech Teculután pa le tinamit rech Zacapa, ri xyak’ pa taq waqib’ ik’ ri’ rumal ri jun cholchak rech Ya’b’al tob’anik che ri Wokajil Q’atb’altzij ri’ xuquje’ are pwaqil xkoj che rech ri qojom pwaq rumal ri Banco Interamericano rech K’iyemal ri’ (BID) ruk’ pa ronojel ri’ are waqib’ q’inomal ruk’ wuqub’ mil 384 chi pwaqilem ri’.

Pa taq le tzijol xuya’ ri Ministro rech Gobernación, Francisco Rivas Lara xuya’ ub’ixik che are wa’ nim ki’kotemal che rech xopan pa le juyub’ tinamit ri’ rech xopaq che ujaqik uwach ri jun rachoch k’olib’al ya’olchajinik ri’ rech kaloq’ox uwach kichak patan ri e ajchajil tinamit rech kakiya’ utzalaj ya’olchajinik chi ke ri winaq rech Teculután ri’.

 “Sib’alaj maltyox che ri ajkalte ruk’ rajchomanelab’ pa tinamit ri’ rumal kakub’ kik’u’x chaqe uj, rumal ri’ we kamik kojtajin che uk’utik chi ke ri tinamit Iximulew juntir ri’, che ri pwaqil ri’ are kojtajin che usachik chi ke ri’”, xcha’ ri taqawokajnel.

 

Xub’ij chik che ri are wa’ rech kanimaxik utzij ri K’amal b’e Amaq’, pa le jun jikom ub’anik xuquje’ pa saqilem ri’ rumal ri’ xb’antaj ujaqik wa’ che we jun uk’olib’al ya’olchajinem ri’.

Sib’alaj utz xb’an la loq’olaj Ministro kuk’ konojel ri k’amal b’e Uwokajil Ajchajil Tinamit ri’

Eri K’amal b’e Amaq’ Jimmy Morales xuki’kotirsaj uwach uq’ij ri Taqawokajnel rech Ya’olchajinik kuk’ ri K’amal b’e rech ri Wokajil Ajchajil Tinamit ri’ rumal we jun loq’ chakunik ri’ tajin xkib’ano ruk’ kichuq’ab’ rech utz ya’olchajinik kakib’an ri’.

 

 “We jun b’anow chak ri’ tz’aqat k’ut le tatb’enik xuquje’ ri tob’anik qonojel chi rij ri’, xuquje’ are k’utb’al rech ri xjachataj pa le kajib’ tinamit ech Zacapa ri’”, xcha’ ri Nim K’amal b’e.

Eri K’amal b’e rech ri PNC, Nery Ramos y Ramos xuya’ ub’ixik che pa we junab’ ri’ e k’o 25 chik chi cholchak kejaq na kuwach pa taq tinamit rech San Marcos, rech Xe’laju’, rech Tz’oloja’, rech pa K’iche’ ri’ rech kejach chi’ e kajib’ mil chi k’ak’ eqa’lenelab’ rech ri PNC ri’.

Are rech wari utzalaj kakisolib’saj kib’ ri e ajchajil tinamit ri’ rumal ri’ xeloq’ e jun mil 300 chi ch’ich’ rech ya’olchajinik, ruk’ 500 kuwach nik’aj chik ch’ich’ are wari rech kaya’ uchuq’ab’ ri tzukno’jchak chi rij ri e ajb’anol k’ax xuquje’ rech kapatanixik ri cholchak rech kakik’is katijob’exik ri eqa’lenelab’, rech uloq’oxik uya’ik kichuq’ab’ ri PNC ri’, are rech k’o utzalaj taq uwachinem chak kab’antaj ri’ pa le uq’atexik ri b’anow k’ax pa juntir we amaq’ ri’.

“We kamik eri k’amow ib’ xuquje’ ri utzalaj chakunem pa q’atajil ri’ are wa kub’ano rech kajaq uwach uchak patan we jun cholchak ri’ xuquje’ rech chik kaq’atexik ri b’anow k’ax ruk’ ri b’anow tzukunem ya’olchajiik ri’, pa le ub’anik che ri k’olib’em ruk’ k’ub’sib’al k’u’x chi ke ri winaq tinamit ri’”, xcha’ ri Ramos y Ramos ri’.

 

We jun Uk’olib’em Ya’olchajinik ri’ are rech k’o utzalaj ya’olchajinem kaya’ chi ke pa konojel e 20 mil chi winaqilal rech pa taq le tinamit ri’ ri upajil uwach are ri’ 211 kilómetros pa ukajtzalajil, xuquje’ are wari kuya’ chi ke ri wokajil b’anb’al jastaq rech kek’oji che chak pa we tinamit ri’, xcha’ ri Ajkalte, Gustavo Adolfo Perez.