Pa uk’iyal ri wokajil chak patan ri’ kakiya’o uchuq’ab’ kilik ri e ajpache’ ri’

94

Eri pa uk’iyal ub’antajil ri wokaj uwach chomanem rech ri Centro rech Orientación Femenino (COF), wokotal uwach pa kichomaxik ri winaq ri’, ri kunanem eyaj ri’, ri q’atowtzij ri’ xuquje’ pa le ub’anikil tijonem ri’, are kechakunik rech eri e nan kakichb’alaj ri taq ak’alab’ e ch’uti’n na rumal k’a te jo’ob’ kijunab’ ri’, rech e tiijob’em chik rech aretaq keq’ax pa taq k’ak’ taq ja k’olib’alil ri’ rech uya’ik utzalaj ub’anikil k’aslemamtzij chi ke ri taq ak’alab’ ri’, xcha’ ri Miriam Cruz López Ajno’jixel rech ri molaj ajchomanelab’ ri’.

“Tajin uta’ik che k’o k’exnik tajin upetik ri’ xuquje’ eri uwokajixik uwach we jun molaj k’i uchak upatanil ri’ are kuwach rui’ ri jalb’anem kab’an ri’ xuquje’ eri uj kujk’oji ri’ che kilik kichomaxik ri e ixoqib’ e nan e tz’apil ri’, eri chomanik ri’ are qas chi ke ri taq ak’alab’ k’a te jo’ob’ kijunab’ ri’ rech man k’ot k’ax kakiraqo kuk’ ri kinan ri’”, xcha’ ri Cruz López.

Xub’ij ri’ che ya’talil juntir uwach tob’anik chi rij ri’ rumal ri K’amow ub’e ri Wokajil Japache’ ri’ xuquje’ are wa’ tajin kub’an che rech k’ax k’ax ta kab’an chik chech ri’, rumal ri’ k’o k’uttijonem ya’om chi ke ri e ajchak ri’, rech k’o loq’ob’al ib’ ri’, rech kajam uwach kichomab’alil ri’, rech k’o suk’umanik chi ke ri tat nan pa taq tijob’al ib ri’.

Pa le k’uttijonem rech ri Tijob’al kech ri Nan ri’, katajin katijoxik chi rij saqab’isan ib’ ri’, rech saqab’isan pa kichi’ ri’, rech kakikamisaj awajil ri’ xuquje’ rech ketatb’en pa tyox kojb’al ri’, xuquje’ rech kak’oji jun k’ak’ tijob’al ri’ rech kuya’o pa kichomab’al rech kakesaj pa kijolom che e k’o pache’ ri’.

Eri No’jixel xuya’ ub’ixik eri taq ak’alab’ ri’ ri e k’o chuxe’ umajb’al tijonem ri’ pa le tijob’al ib’ ri’, eri ixoqib’ e ajpache’ rech kaketa’maj ut’isik atz’iyaq xuquje’ rech kakib’an atz’iyaq ri’, rech kaketa’maj wiqom kaxla’n wa’, ri b’anow kiq’osb’ixik alitom ixoqib’ ri’ xuquje’ rech b’anow taq jastaq ri’, ronojel wa’ are rech k’o tajin kaketa’maj ri’ xuquje’ kek’oji naj che ri man utz ta chi ke ri’.

COMPARTIR