K’a pa nimaq’ab’ ri’ rech pa junes ri’, e k’o 100 chi eqa’lenelab’ rech ri Wokajil Ajchajil Tinamit (PNC), k’o keb’ b’anow tzukunem ya’olchajinik ub’i’ taq Harley, Runner xuquje’ Tranquilidad xkib’an ri’ rumal ri’ e k’o keb’ winaq e kamisanelab’ xechapataj ri’.

Eri xechapataj ri’ xch’ob’otaj kuwach e are ri’ a Raphael Moraga Rivera 23 ujunab’ xuquje’ a Mario Crisfer Argueta Vásquez 21 ujunab’ ri xechapataj kumal e ajchajil tinamit rumal ri’ k’o jun kejach’ich’ xraqataj kuk’, ruk’ jun k’aqb’alil marca Lorcin calibre 380 ruk’ jun b’ilob’alrech, xuquje’ ruk’ oxib’ ub’aq’ utz kakojik xuquje’ 15 ub’aq’ chik rech raqarik k’aqb’al che ri kojom kumal ri wokajil ajchajil tinamit ri’, eri e are ri’ pa le Anilla Pereférico xechapataj kumal ri Lobos Grill ri’.

Eri q’atb’altzij rech ajchajil tinamit xkiya’ ub’ixik che ri nik’aj winaq ri’ xechapik e are k’o jun ajb’inisal ch’ich’ xkaj xkikamisaj (rumal toq’inik pwaq chech ri’ kumal).
Eri b’anow tzukunem ya’olchajinik are xb’antaj pa le sector rech ri comisaría 11, pa le b’anow tzukunik pa taq le ch’ich’ ri’ pa anillo periférico chuwach le gasolinera puma, salida 8ª calle, sector rech ri comisaría 12, b’anow tzukunik taq le ch’ich’ ri’, pa le Boulevard San Rafael, zona 18 ri’.

Xuquje’ pa le sector rech ri comisaría 13, k’o b’anow tzukunik xb’an pa taq le ch’ich’ chuwach ri parque navidad zona 5, jeri’ pa le sector rech ri comisaría 14, pa le Anillo Periférico chuwach ri comisaría 14, jeri’ pa le comisaría 15, pa le kilómetro 24.5 pa nimab’e rech San Miguel Petapa a Villa Canales, xuquje’ pa le sector rech ri comisaría 16, pa le kilómetro 21 pa nimab’e kab’e pa ciudad Quetzal ri’.

Pa taq le q’ij ri’ k’o b’anow tzukunik kab’an ri’ pa le katzukuxik chupam taq ri ch’ich’, chi ke kejach’ich’ xuquje’ ch’ich’ rech erelwinaq ri’, rech uq’atexik b’anow k’ax chi ke winaqilal ri’ che pa nimaq’ab’ keb’e pa taq kichak ri’.

Eri b’anow tzukunik ri’ are xtaq ub’anik rumal ri Ministerio rech Gobernación ri’ xuquje’ kumal ri q’atb’altzij rech ri ajchajil tinamit ri’.