Sib’alaj nim jamatil upam uwach ri je’lik rilik, ruk’ taq wiqib’al kojom che rech pa taq ri siglos X xuquje’ XV, eri Nim Rachoch ri Ministerio rech Gobernación ri’ we kamik 74 ujunab’ chik tajin kutz’aqatisaj.

Eri loq’ nima ja are uyakom kanoq ri ex presidente Jorge Ubico pa 1935, are xucha’o ri juyub’ chi’ rech xuyak wi pa le 6ª xuquje’ 7ª avenida, chuxo’l ri 13 ruk’ ri 14 calle rech ri zona 1, xuquje’ are xucha’o ri ub’anikil wiqib’al ri kojom che, kojpa’ ri setib’alil ruk’ ri je’l wiqib’al rech ri k’uttz’aqonem española xuquje’ rech iximulew ri’, je ri’ kojpa’ ri je’lwiqib’al kojom che ri Palacio rech ri Condes rech Monterrey xuquje’ España.

Eri ub’anik ri ulik’alil ri’ eri xb’anow rech are ri ajb’aninel ub’i’ Manuel Moreno Barahona, rajchak ri Tesorería Nacional, are ri’ xk’oji che rajawtzij chi rij pwaqil rech xyak juntir uwach ri jun nima ja ri’, ri keb’ reqa’m rib’ pa le k’o chuwach ri’, pa uwi ri 6ª avenida xuquje’ oxib’ reqam rib’ chi rij ri’.

E pa utalak’ ri’, pa uwi ri 14 calle, ri kab’ix che Callejón Concordia, eri nim wokja ri’ are k’o jo’ob’ uwach reqam rib’ ri’, ri k’o keb’ rilb’al naj ri 28 etok’al panikm’aj raqan cho kaj, pa ronojel wa’ k’o 3 mil 500 etok’alil pa ukajtzalaj karaqataj wiri’.

Eri jun yakon nim wokja ri’ xa’ jun junab’ ruk’ panik’aj q’ij xyak wi xuquje’ are xb’an ri unimaq’ij rech xjaq uwach pa le lajuj q’ij (10) rech noviembre rech 1942. Eri nab’e xe’ok chupam ri’ are ri Wokajil Ajchajil Tinamit rech ojer kanoq (PN), k’isb’al rech xe’ok chi’ ri Wokajil Ajchajil Tinamit chik (PNC) xuquje’ we kamik ri’ are chik ri Ministerio rech Gobernación ri k’o chik chupam ri’.

Swiffy Output
COMPARTIR