Eri e Ajb’insal Ch’ich’ rech Erelwinaq kamajtaj katijoxik ri’

125

Are wa’ rech katob’anik che uq’atexik kakisolkopij ta chik kib’ ri ch’ich’ pa taq le nimab’e rumal ri’ Wokajil Q’atb’altzij rech Wa’katem pa taq Nimab’e rech ri Wokajil Ajchajil Tinamit (PNC) rumal ri’ kamajtaj ri’ katijoxik ri e ajb’insal ch’ich’ rech erelwinaq ri’ rech ri Wokajil ri e Ajb’insal Ch’ich’ e rech eqa’nib’alil pa Iximulew ri’.

Eri alilaj taq ch’ich’ rech b’anow eqa’n ri’ e are k’ut e k’o pa jun 9% chi ke konojel ri ch’ich’ e k’o pa we amaq’ xuquje’ rech kaq’atexik solkopinik kumal ri ch’ich’ pa taq nimab’e ri’, are wari’ xkita ri e ajb’insal rech ch’ich’ rech katijoxik rumal ri ri Departamento rech Tránsito rech ri PNC xuquje’ rech man k’ot raqow k’ax kumal pa taq le nimab’e ri’.

Rech b’a’ xtaq ukojik wa’ k’o jun nuk’chomab’al xjuch’ uwach rech Nimtijob’enik chi ke ri e Ajb’insal taq ch’ich’ ri’ e ajb’anol taq eqa’n ri’ chi kuxo’l taq ri wokajilal ri’, eri Comisario Ottoniel Sandoval, taqanel k’o pa le Departamento rech Tránsito rech ri PNC xuquje’ ri Rony Mendoza rech ri Gremal rech Transporte Pesado ri’.

“Are wa’ jun ub’eyal komonchak patan pa le katijoxik ri e ajb’insal ch’ich’ e ajb’anol alilaj taq eqa’n ri’, are rech b’a’ kakik’am uq’ab’il uch’ob’ik che ri e ajb’insal ch’ich’ ri’ pa utzilem jikomal kakib’inisaj ri ch’ich’ ri’, xuquje’ rech kaqaj uchuq’ab’ rajilab’al ri raqow k’ax kakib’an pa taq nimab’e ri’”, xcha’ ri Comisario Sandoval.

Rumal ri’ eri Rony Mendoza k’amal b’e chomanel rech ri Wokajil Ch’ich’ ri’ ri are xub’ij che we nik’aj tijob’enik ri’ are kesuk’umaxik ub’anikil b’inisam ch’ich’ kakib’an ri e ajb’insanelab’ ri’ xa’rumal k’o nim k’ax tajin kakiya’o pa taq nimab’e ri’.

Eri k’uttijonem ri’ are kamajtaj uya’ik chi ke ri e 9,000 ajb’insal ch’ich’ pa kiwokajil ri’ chi’ pa Uk’u’x Nimatinamit ri’ xuquje’ rech te k’u ri’ kajipixik ri kib’anikil pa taq le tinamit ri’.

Eri e ajb’insal ch’ich’ ri’ ketijox chi rij taq kiloq’oxik ri winaqilal ri’, chi rij ri q’atb’altzij chi kij ri’ xuquje’ chi rij ri k’ax kakiraqo wexa’ sib’alaj kekanimajik xuquje’ wexa’ k’o tzam katijom aretaq kakib’inisaj ch’ich’ ri’ wene’ k’o awan kunb’alil kakitij ri’.

Eri ajk’amal b’e rech ri Departamento rech Tránsito xuquje’ xuya’ ub’ixik che ri chakunem ri’ are katajin kuk’ ri e Ajchajinelab’ rech Q’atb’altzij che ri xkik’iso ri retal tijob’en ib’ rech kya’ Kiwujil kumal le e Ajtijonel chi ke chi rij ub’anikil wa’k’atem pa taq Nimab’e ri’, are rech b’a’ konojel ri eqa’lenelab’ rech pa k’utbe kekowin k’ut ke’ilon chi ke ri e ajb’inisal ch’ich’ ri’ xuquje’ chi ke ri kakib’inisaj ch’ich’ rech e ajb’anol nima’q taq eqa’n ri’.

COMPARTIR