Are rech b’a’ nimalaj kakojik e k’i pa kiwokajil e ajchajinelab’ pa taq juyub’al e k’o pa taq k’ulb’a’t ruk’ El Salvador, Honduras xuquje’ ruk’ Iximulew, e pa viernes 21 rech abril kamajtaj ri keb’ uwach uchak patan ri “Plan Fortaleza”,  are rech nimalaj kaq’atexik uchuq’ab’ ri kamisanem pa taq k’ulb’a’t juyub’ rech ri Triángulo Norte, rumal taq Wokajil Ya’olchajinik keraqataj pa Komonchak pa Taqawokajil ri’ (PMCI).

Pa le cholchak kaq’alajin wi che pa le ya’olchajinik ri’ are chomatalik rech ketaq e k’iyalaj taq ajchajinelab’ pa komonb’a chi’. Rumal ri’ e k’o chik kajib’ k’olib’al ya’olchajinik ruk’ e ajchajinelab’ pa le k’ulb’a’t juyub’ ruk’ Honduras xuquje’ waqib’ ruk’ El Salvador, chi’ k’ut e k’o 200 chi eqa’lenelab’ rech ri Fuerza de Tarea ketajin ri’, e 816 e rech ri Wokajil Ajchajil Amaq’ Iximulew xuquje’ ruk’ kitob’anik ri Fuerza de Tarea Chortí ruk’ e 200 chi eqa’lenelab’ ri’.

We jun chakunik are kutaq’ij ri b’iw b’anow k’ax pa tinamit chi’, jacha’ keleq’axik winaq ri’, b’anow elaq’ toq’inik pwaq chi ke winaq ri’, b’anow taq k’ax ri maj pa usaqil ri’, jacha’ ri b’anow taq elaq’ xuquje’ keleq’axik ch’ich’ ri’, b’anow k’amisanik, awan k’ayin jastaq ri’ xuquje’ b’anow elaq’ pa ub’anikil aduanera, chi’ k’ut k’o jun 75 por ciento rech awan k’ayin jastaq ko’k loq’ pa Honduras, pa jun 5.5 por ciento are ko’k loq pa El Salvador.

Jeri’ eri “Plan Fortaleza” katajin che ya’olchajinik pa komon kuk’ ri q’atb’altzij rech El Salvador xuquje’ Honduras rech keq’atexik ri nuk’wokaj e ajk’ayil awan kunb’alil ri’ rech ke’ok’ow ta chik pa taq le b’e rech ri Transversal del Norte xuquje’ ri Nimab’e kok’ow pa Naranjo, pa le uq’axaxik awan kunb’alil ruk’ pwaq che ri e k’amom pa ch’uti’n taq ch’ich’ xuquje’ pa alilaj taq ch’ich’ ri’.

Are wa’ kutun rib’ ruk’ ri b’iw b’anow k’ax kamisanik pa taq naj tinamit ri’ jacha’ ri k’ax kakib’an chi’ aretaq ke’ok’ow chi’, jacha’ ri poq’san pwaqil maj pa usaqil ruk’ nik’aj chik k’ax ri’, jacha’ ri k’ayin awan kunb’alil, jacha’ ri b’anow k’ax pa nimab’e xuquje’ jacha’ k’ayin k’aqb’alil ri’, emu wari’ juntir chi rij ri’ rajawaxik kaq’atexik kikojik winaq pa taq k’ax chak ri’, jacha’ kik’amik b’ik winaq maj pa usaqil ri’, jacha’ ri ciberseguridad xuquje’ chi rij juntir ri b’anow k’ax sachonem ri’.

Are rech b’a’ kaq’atexik juntir ri b’anow k’ax che ri man utz taj kab’an pa taq tinamit che ri e k’o pa rulewal Triángulo Norte ri’.

Are rech b’a’ kaya’ uchuq’ab’il ri komonchak pa taqawokajil ri’, xuquje’ rech ya’tal utob’anik ri taqawokaj rech ri Estados Unidos rech Norteamérica che ri xya’w rech ri keb’ Drones ruk’ kajib’ helicópteros, rech kekojik pa taq le ya’olchajinik ri’.

Pa we jun cholchak ri’ e are jun ri’ ri jumulaj taq sak’ajil ajchajinelab’ ajtzukunelab’ rech ri Ministerio rech Gobernación; eri viceministerios rech Ya’olchajinik xuquje’ Antinarcóticos, ri Fuerza de Tarea Chortí, ri Unidad rech Halcones xuquje’ pa Uwokajil ri K’amow ub’e ri Inteligencia Civil ri’. Ri Ministerior rech Defensa; ri Fuerza Área Guatemalteca, ri Segunda Brigada rech Infantería, ri Brigada rech Infantería Marina, ri comando Naval rech ri Caribe, ri Dirección rech Inteligencia, rech Operaciones xuquje’ rech ri  Logística ri’.

Xuquje’ k’o komonchak chi rij ri’ ruk’ ri ministerio rech Relaciones Exteriores rech rilik uch’ob’ik ri b’antajil k’ax katajin pa taq k’ulb’a’t juyub’ ruk’ El Salvador xuquje’ Honduras; ri la Superintendencia rech Administración Tributaria (SAT) katob’an ri’ rech kuq’axaj tzijob’enik ri’ xuquje’ rech kachb’ilam chi ke ri wokajil e ajya’olchajinik ri’ pa le q’atel k’ayin jastaq ri’; xuquje’ eri Dirección General rech  Migración are kuya’ kiwujq’axb’al ri winaq che ri keb’e naj ri’.

Ruk’ ri Cholchak ri’ are rech kuchomirsaj ri komonchak pa taqawokajil ri’, rech k’o b’a’ jun nimalaj ya’olchajinik pa kaqiq’ cho kaj jeri’ puwi’ taq plow xuquje’ pa taq juyub’ ri’.

K’o kajib’ uwach b’anow chakunik ri’

Eri komonb’al chak pa taqawokajil rumal ri’ “Plan Fortaleza”  uchomam chik jun ub’eyal ub’anikil ya’olchajinik pa kajib’ uwach chakunem ri’ xuquje’ rech k’o utz kuchakuj uwach pa aninaqilem ri’.

Eri nab’e uwach chak ri’ are katajin chik pa le Parque Nacional Laguna del Tigre xuquje’ pa le Parque Nacional Sierra del Lacandón. Eri ukab’ chik are katajin uchomaxik kakojik rech kaq’atexik ri b’e q’axnik awatil uwach taq ri’ ruk’ Honduras chuxo’l Motagua Viejo xuquje’ pa Cerro Montecristo; ruk’ El Salvador k’a pa le Lago de Güija, pa le Río la Pasión xuquje’ pa Garita Chapina, xuquje’ pa le awatil b’e q’axnem k’o chi uchi’ saqplow. Eri urox chik ya’olchajinik ub’i’ operación Fortaleza are ruk’ pa k’ulb’a’t juyub’ Mexicana ri’ chi’ k’ut che ri tajin kaq’axaxik pa jun 85% ri awan k’ayin jastaqil pa tinamit chi’.

Xuquje’ eri kajib’ uwach are kuya’ uchuq’ab’ ri kachakuxik xuquje’ jacha’ le tam uwach ri’, chi’ k’u ri’ jujun chi ke ri ministerio ri’ kub’an ri’ jun solwachinik ch’ob’onem chi rij ri kachakux ri’ xuquje’ rech k’o kutaq ub’ixik chi rij ri’ rech kilik jas ketaq wi kakoj wi jachakunb’al pa komonchak taqawokajil ri maj uchupik uwach ri’.

COMPARTIR