Eri Plan Fortaleza k’o nab’e nim q’atenik xub’an che ri awan k’ayin jastaqil

213

Pa ronojel k’o 1,840,000 chi sik’ eri rajil pa ronojel are Q920,000, eri Plan Fortaleza are xub’an jun nimq’atenik k’ayin awan kunb’alil ri’ puwi’ plow, aretaq eri Brigada rech Infantería rech Marina xterenb’ej jun nim jukub’ chuwach ri panoq ri Puerto Barrios xuquje’ pa Santo Tomás de Castilla ri’.

Eri winaq e b’enaq pa le jun nimjukub’ ri’ man xetak’ab’ taj aretaq xeq’atexik kesolixik, chuwach panoq ri xb’itajik ri’, ri xkib’ano aretaq xkaj xkanij kib’ xuquje’ xek’aqan loq chi ke ri e ajchajinel chi’.

Eri nik’aj ajk’ayin awan jastaq ri’ aretaq xkilo xeq’atexik xkaj tane xkanij kib’ chi’ pa Santo Tomás de Castilla.

Aretaq eri eqa’lenel e ajchajil amaq’ xesolin chi ke pa le jukub’ k’o k’i taq kaxon k’o sik’ chupam xkiraqo, rumal ri’ xek’am b’ik chu uchi’ ri plow chi’ rech xeyexik rech xe’opan chi’ ri Wokajil Ajchajil Tinamit (PNC) xuquje’ ri q’atoj tzij rech ri Ministerio Público (MP), xuquje’ rech xek’am b’ik pa q’atb’altzij ri nik’aj winaq ri’ xechapatajik ri’.

E are jun ri tz’i’ xetatb’en pa le tzukunik ya’olchajinik ri’.

Eri Plan Fortaleza wokom uwach kumal eqa’lenelab’ rech ri PNC xuquje’ rumal ri Wokajil Ajchajil Iximulew ri’,rech uq’atexik k’ayin awan jastaqil, rech keleq’ax ta chik ch’ich’ ri’, rech man k’ot chik winaq kek’am b’ik pa k’axalaj chak ri’ xuquje’ rech keq’atexik ri awan k’ayin kunb’alil ri’.

COMPARTIR