Are rech b’a’ kb’an nim ya’olchajinem tzukunik ri’ rech kaq’atexik uchuq’ab’il ri b’anow k’ax kamisanik pa taq le uq’ab’tinamit rech Petén, rumal ri’ eri Uro’ Viceministerio Antinarcóticos, k’o pa reqale’nib’al ri Viceministro, Oscar Dávila Mejicanos, rech xoksax ri Cholchak rech Ya’olchajinem Tzukunik chi’ ub’i’ Jaguar, are katajin upatanixik rumal ri Fuerza rech Tarea Chortí, rumal ri’ xb’antaj kowinem xraqatajik, xesaxik xuquje’ xk’atisaxik 104 mil raqan ichak rech Marihuana eri kab’ixik are 40 millones chi pwaqil ri’.

Eri Viceministro Antinarcóticos, xuya’ ucholajil ub’ixik che ri ya’olchajinem tzukunik ri’, are kanajtib’ jun ik’ ri’, xuquje k’o 60 chi kojb’al b’anow tzukunem ya’olchajinik xkojik ri’, k’o 49 uwach ya’olchajinik xwa’katix ub’anik pa taq le nimab’e ri’, k’o oxib’ nim tzukunik xb’anik, k’o jo’ob’ chi tzukunik chik xb’anik, k’o 1348 chi winaqil xtzukux uwach kitzijol ri’, k’o jun mil 64 chi ch’ich’ xtzukux kuwach ri’, k’o jo’ob’ k’aqb’al xraqataj ri’, xuquje’ k’o jastaq xa’ awam xk’am loq pa Mexico xraqik kojpa’ ixim kinaq, sik’, saqmo’l, q’ab’arisab’al xuquje’ k’o marihuana xesax chi’.

Xuquje’ xub’ij, che ri ya’olchajinem tzukunik are xb’an pa ronojel rulewal tinamit k’o pa ulikiq’ab’ ri Petén, pa k’ulb’a’t juyub’ ruk’ ri México xuquje’ eri ya’olchajinik ri’ are xb’antajik pa le uwach ri 22 kilómetros kapajan ri’ chi’.

eri uchuq’ab’ b’anow k’ax xq’atex ri’

Eri Dávila Mejicanos xuya’ utzijol che ri rajilab’al ri b’anow k’ax chi’ kojpa’ b’anow elaq’ b’anow kamisanik xqaj uchuq’ab’ ri’ chi’, rumal ri ya’olchajinik katajin rumal ri Wokajil Ajchajil Tiamit xuquje’ je ri’ kakib’ij ri q’atb’altzij rech México xuquje’ chi’ xqaj uchuq’ab’ kiq’axik ri wa’katel winaq chi’.

Eri Dávila Mejicanos xub’ij che k’a te kanoq ri’ e k’o xechapatajik pa keb’ ch’ich’ erelwinaq kipetik pa El Salvador pa konojel ri winaqil xechapik ri’ e 97 ri’ man ya’tal taj ke’ok’ow tane’ chi’, panik’aj chi ke e taqal na, e are ri’ xek’am b’ik pa jun ja k’olib’al kech chi’ pa nimatinamit xuquje’ k’o xek’oji pa uq’ab’ ri Procuraduría General rech ri Amaq’il ri’.

 “Pa chuwe’q kab’ij are qachomam uj katerenb’ex ub’anik jun cholchak ri’, maltyox b’a’ utz uwachinem tajin xuya’o xuquje’ utz b’a’ xil kumal ri komon winaqil ri xuquje’ tajin xta’ik rech kaqab’an nim che ukojik chi’. Pa juntir b’a’ rulewal tinamit kojtain wi che ri ya’olchajinik ri’, xa’rumal qeta’m che ri nimab’e sib’alaj nim raqan uwach ri’, k’o nimab’e qas katz’iniw kuwach ri’, rumal k’ut k’o awan b’e cho taq k’ulb’a’t juyub’ pa amaq’il ri’ le man k’ot pa usaqil ub’antajil ri’, xuquje’ rumal e k’o awan qajib’al xik’ach’ich’ chi’ are ri’ sib’alaj rajawaxik ke’esaxik”.

Rumal ri’ eri xtaqik ri’, aretaq xunimaxik, xuki’kotirsaxik kuwach konojel ri eqa’lenelab’ ya’olchajinik pa le Operación Jaguar, are rech xb’ix chi ke eri chakunem ri’ are rajawaxik kanimarisaxik uwach ri ya’olchajinik ri’.

Swiffy Output
COMPARTIR