Eri nuk’ulib’al uwach ub’anikil kemamtzij kub’an na utz che ri ya’olchajinik chi ke ri e tz’apil pache’ ri’

62

Are rech b’a’ k’o utzalaj ya’olchajinik chi ke ri winaq e tz’apil pache’ ri’, eri Wokajil Japache’ ri (SP), maltyox b’a’ che ri tob’anem ri’ xuquje che ri pwaq tob’anik rumal ri Unión Europea (EU), pa le uchak upatan ri cholb’al chak rech Tob’aneme xuquje’ rech Suk’umalil pa we Iximulew ri’ (SEJUST),  xkoj keb’ utak’alil rech informáticas che ri kub’an jun utz’ib’axik chi kijujunal ri e ajpache’ ri’ xuquje’ ri cholb’al chak patan pa wokajil ri’.

Eri ujachik ri’ are xchakux pa le Ministerio rech Gobernación, chi’ k’u ri’ xob’an ri Viceministro rech Ya’olchajinik ub’i’ Ricardo Guzmán, ri Viceministro rech Tecnología Gabriel Juárez Lucas, ri embajador xuquje’ taqanel rech ri molaj ajtaqo’n rech ri UE, Stefano Gatto.

Eri viceministro Guzmán, eri ujachik ri uwa’lib’alil ri’ are rech uya’ik utzilem pa le SP ri’ rumal k’ut k’o chik kitzijol ri e ajpache’ keraqataj chi’.

“Eri k’ak’ uwach ri utak’alem ri’ k’o ri ub’antajil q’axaltzijol chupam ri’ aretaq k’a ka’ok chi’ ri ajpache’, ruk’ aretaq kaq’axaxik xuquje’ aretaq kasuk’umaxik, are b’a’ le q’atol tzij kuchomaj we k’o junab’ karesaj chi rij ri’ are kupatanij ri’ ri tzijolil ri’ rech te k’u ri’ kachomax pa q’atb’altzij ri’”, xcha’ ri Guzmán.

Pa taq le k’utb’al rech are xya’taj pa jub’ik ri’ ri ch’ob’ow chi rij ri tob’anem che ri UE uya’om pa wokajil q’atb’altzij ri’ xuquje’ pa le ya’olchajinik, k’ok’ut 22 mil k’uttijonem xya’taj pa taq le wokajilal ri’, k’o b’elejeb’ ja xyak ri’ xuquje’ k’o keb’ chik ja rachoch q’atb’altzij xyakataj pa keb’ tinamit pa we amaq’, are wa’ katerenb’exik ri k’exnik pa tinamit ri’.

Rumal k’u ri’, eri Stefano Gatto, xuya’ ub’ixik che we jun chak xb’antajik pa le wokajil ya’olchajinik pa juntir ri SP, “are utaqim ri’ rech kuwa’lijsax uwach rech kak’exik ub’anikil k’amow b’e pa we amaq’ ri’. Xuquje’ eri tob’anik rech pwaqilem, are wa’ kub’an utz che usuk’umaxik ri wokajil pache’ ri’”.

Uwach taq ya’olchajinik ri’

Eri jun chi ke ri utak’alib’al ri taqanem ri’ ruk’ ri ya’olchajinik chi ke ri winaqil e tz’apil pache’ pa taq le wokajil japache’, ri are utaqim unimaxik ri uq’ijol q’atam rech ri xaq’ tz’apinik ri’ xuquje’ are rech kaq’at ri tojb’al kimak ri’.

Eri ukab’ unuk’b’alil ri’ are rech pa le b’anb’alil chakunem pa le Wokajil Japache’ ri’, are wa’ ri wokom uwach xuquje’ ri nuk’um uwach chik jacha’ tane’ ri chokonsab’al rech taq ri uk’ab’ k’amow ub’e ub’anikil chakunem ri’ xuquje’ rech jun b’anow chomanik utz ub’anikil taqanem ri’.

COMPARTIR