Eri PNC katob’an ri’ ruk’ utaqik jun mil chi eqa’lenelab’ pa Ixchiguán xuquje’ pa Tajumulco

90

“Eri qas nab’e reqam nim reqale’xik ri’ are ri Ministerio rech ri Defensa, pa reqale’nib’al ri’ rech kuya’ pa retal joremal jikomal ri utzilem pa taq le tinamit rech Ixchiguán xuquje’ Tajumulco xuquje’ rumal ri Mingob pa reqale’nib’al ri PNC, katajin che tob’anik ruk’ kitaqik chi’ e jun mil eqa’lenelab’ rech ajchajil tinamit ri’” xcha’ ri Viceministerio rech Ya’olchajinik, Ricardo Guzmán, pa le utzijob’exik ri ub’anikil ri Korlim Ya’olchajinik pa taq le keb’ tinamit ri’.

Eri Guzmán xub’ij chik che e taqom b’ikchi’ k’i molaj ub’anikil sak’ajil tzukunem ri’, rech ketzukuxik chinaq winaq chinaq molaj, nuk’wokaj e ajtukul rech ri ch’ojinik k’aqanik chi’ che ri xa’kumal k’o nim kaq’anik xtotajik xb’an chi’ xuquje’ are wa’ ri kuya’o nim xib’inem chi ke winaq tinamit chi’.

Xuya’ ub’ixik chik eri molaj chakub’al kuk’ ri chakunel rech ri Ministerio Público xuquje’ ri Organismo Judicial ketob’an ri’ kuk’ ri q’atol tzij chi’, rech e are kakitaq ub’anik tzukunem pa ja k’olib’em chi’ xuquje’ rajawaxik ri’ are kipatan ri’ le q’atol tzij ketajin chi’.

“Eri uj kaqetaj rilik we kub’ano rech kak’is ri korlim ya’olchajinik chi’ pa jun ik’ ri’ rech kak’is pa junio ri’, rech kilik ropanb’alil ri ya’olchajinik katajin kumal ri wokajil ajchajil amaq’ tinamit ri’ xuquje’ rech kilik we ni man k’ot k’ax xkib’an ri’ chi’”, xcha’ ri Viceministro ri’. Pa k’isb’al rech ri’ eri wokaj ajchajinelab’ Antinarcóticos rech ri SGAIA-PNC kakesaj na juntir ri awan kunb’alil chi’.

COMPARTIR