Ri PNC kub’ij: E k’o k’iyalaj ixoqib’ e ajtoq’il pwaq xechapatajik

361

Eri q’atb’altzij rech ri Wokajil Ajchajil Tinamit (PNC) xkiya’ ub’ixik che e k’o k’iyalaj taq ixoqib’ e ajtoq’il pwaq xechapatajik pa taq le ya’olchajinem tzukunik ri’ xb’an pa le keb’ q’ij uwach chik are ub’i’ #RiGuateAreQech, xnimarisax uwach rumal kichapik e k’iyalaj taq taqanel kech molaj ajb’anol k’ax ri’ xuquje’ e k’o e kaminaq chik chi ke ri’.

Eri Jorge Aguilar Chinchilla, ajtzijolinel q’axaltzijol rech ri wokajil ajchajil tinamit, xuya’ ub’ixik che we kamik pa le Centro rech Atención Judicial (CAJ), e k’o 29 chik chi ixoqib’ kuk’ e 17 chi achijab’ e chapom chik ri’, pa taq le ya’olchajinem tzukunik xb’an pa juntir le Nimatinamit ri’.

 “Are wari’ kana’tix ub’ixik che nik’aj molaj b’anol k’ax ri’ are katajin kichapik kiq’atexik b’antaj pa k’iyalaj taq ik’ chik ri’, rumal k’u ri’ eri nik’aj b’anol k’ax ri’ are kichapom chik pa le ub’anik k’ax ri’ le nan, le ali kachalal, le rixoqil kikan ri’, le kinab’ rumal k’u ri’ k’a chi’ k’ut ke’ilik e jun molaj b’anol k’ax chik ri’, xa’rumal e are k’ut tajin kech’a’w panoq pa taq ch’a’wib’al, rech kakitoq’ij pwaq ri’ xuquje’ k’o che xa’rumal ri’ k’o winaq kakikamisaj ri’”, xcha’ ri ajtzijolinel rech ri PNC ri’.

Eri PNC ri’ pa taq le b’anom tzukunem ruk’ ri sak’ajil tzukunik ri tajin kakib’ano pa le uraqik kachoch, kik’olib’al nik’aj b’anol k’ax ri’, rumal ri’ k’o ja k’olkb’al man k’ot chik winaq chupam kiraqom ri’ xuquje’ are ri’ kojom kumal ri nik’aj b’anol k’ax rech pa le uchomaxik le b’anow k’ax ri’ xuquje’ k’o k’aqb’alil raqom chi’ xuquje’ ch’ich’ rech b’inisab’al ri kakikojo pa le b’anow k’ax ri’.

Pa k’isb’alil ri’, eri Chinchilla, xub’ij che pa juyub’ tinamit rech Nimatinamit Iximulew ri’ qas chi’ k’ut b’anom wi k’iyalaj taq tzukunem xa’rumal e k’iyalaj winaqil e jaqal chi. Xuquje’ xub’ij chik che k’o 46 winaq e chapom chik xuquje’ k’o 68 ya’l-ub’ixik b’anom chik chi ke e 114 k’ak’ q’atoj tzij k’o chik chi kij ri nik’aj molaj elaq’omab’ toq’inel pwaq ri xechapik pa le ya’olchajinem tzukunik  ub’i’ #GuateAreQech, chi’ k’ut ri’ k’o k’i taq k’aqb’alil nim ropanb’al ruk’ pwaq xuquje’ awan kunb’alil xraqataj ri’.

COMPARTIR