Eri PNC ri’ katerenb’em uq’atexik le b’anow k’ax katajin pa Ixchiguán xuquje’ pa Tajumulco

106

Are wa’ unimaxik katajin ri’ le ya’olchajinik rech uq’atexik b’anow k’ax pa Ixchiguán xuquje’ pa Tajumulco, San Marcos, eri Wokajil Ajchajil Tinamit (PNC), uya’om jun nim ya’olchajinik kumal e 500 chi eqa’lenelab’ ajchajil tinamit chi’ xuquje’ k’o jun uk’u’x k’olib’em ya’olchajinik kojom chi’, are wa’ uwach ri Korlim Ya’olchajinik che ri xtaq ukojik chi’ rumal ri ch’ojinik katajin chi kuwach ri keb’ tinamit chi’.

Xuquje’ eri wokajil ajchajil tinamit ri’ k’o kajib’ molaj tzukunelab’ e utaqom ri’, e oxib’ chi ke rech xetaq pa taq k’ache’laj chi’, ri jun chik rech e ajilol rech resaxik k’aqb’alil chi’, ruk’ 31 chi ch’ich’ rech b’inisab’al chi’, resaxik retal uwi’kiq’ab’ kitzijol ri winaq ri’, rech are wari’ ketzukuxik ri ch’ich’ ruk’ taq ch’a’wb’alil che e eleq’am ri’.

Eri nab’e taq uwachinem ri ya’olchajinik xkoj chi’, are xuya’ pa retal xraqatajik xuquje’ xqupixik ri peraj taq tiko’n rech awan kunb’alil ri’, xuquje’ k’o awib’alil ruk’ uk’olib’al taq k’aqb’al xraqataj chi’. Pa taq le ya’olchajinik chi’ are katajin ukojik ri tecnología GPS, rech ya’olchajinik cho kaj pa kaqiq’ ri’ ruk’ Drones xuquje’ k’o wa’katem ya’olchajinik xb’an kuk’ taq ri q’atb’altzijajchajil tinamit mexicanas cho taq k’ulb’a’t juyub’ pa amaq’il.

Eri utzijol xkiya’o loq le eqa’lenelab’ keraqataj chi’, eri winaq tinamit tajin keto’nik kuk’ ri PNC xuquje’ we kamik ri’ eri kichak chi kuwach ri keb’ tinamit ri’ pa jikomal katajin ri’.

COMPARTIR