Eri PNC xuq’atij ri b’anow k’ax chi ke ri winaqilal ri’

305

Rumal b’a’ k’o k’iyalaj b’anow sak’ajil tzukunik xb’an chi kij nik’aj b’anol k’ax kamisanik, rumal ri Wokajil Ajchajil Tinamit (PNC), xb’antaj kowinem xq’atexik ri b’anow k’ax kichomam chik kakib’an ri’ nik’aj Mara Salvatrucha ruk’ ri Barrio 18, rech xkaj xkib’an k’ax che ri maj b’anow k’ax kojom ri’ k’a pa le junab’ 2005, are chi’ eri MS k’o nim k’aqanik xkib’an chi kuwach ri’ nik’aj molaj b’anol k’ax ri’, rumal ri’ pa taq jujun 15 uq’ijol rech agosto k’o nim k’aqanik kakib’an k’ut chi kuwach ri’.

Rumal k’u ri’ eri Ministro rech Gobernación Francisco Rivas Lara, xuya’ utzijol che ri PNC maltyox b’a’ che ri jun nim tzukunik q’alajisab’al xkowinik xq’atenik che ri b’anow k’aqanik kumal nik’aj b’anol k’ax chi’, kojpa’ ri kichomam chik je ri’ kakib’an pa taq le 15 rech agosto ri’.

 “Qaraj k’o lajujun chi winaq kekamisaxik xq’atataj ri’ chi’ k’a xmajtaj loq we jun ik’ ri’, rumal ri’ e k’o k’iyalaj taq winaq b’anol k’ax xechapataj chi’, k’o k’aqb’al xraqataj kuk’ (k’o kupkik xuquje’ k’o raqarik ri’), xuquje’ k’o jun nim ujolom poq’sab’al xraqataj ri’ rech kapoq’saxik rumal ri’ k’o jun nim ta’en xya’taj chi ke ri winaq e aj iximulew ri’”, xcha’ ri Rivas Lara.

Xya’ ub’ixik ri’

Rumal k’u ri’ rech man k’ot b’anow k’ax chi’, eri taqawokajnel ya’olchajinik pa amaq’ ri’, Rivas Lara, xuya’ ub’ixik che k’o jun Nim Ya’olchajinik kab’an chi’ k’a pa k’isb’al taq q’ij rech ik’ agosto, rech kaq’atexik b’anow k’ax chi’.

COMPARTIR