Eri PNC k’o jun q’atenik xub’an chi ke oxib’ molaj b’anol k’ax ri’ kab’ixik e ajtoq’il pwaq ri’

147

K’a pa nimaq’ab’ ri’ e k’o keb’ mil eqa’lenelab’ pa konojel rech ri Wokajil Ajchajil Tinamit Winaqil (PNC), xekowinik xkib’an 200 chi tzukunik rech te k’u ri’ xekowinik xkichapo e 52 uwinaqil e oxib’ molaj b’anol k’ax ri’ kab’ixik b’anow elaq’ toq’inik pwaq ri tajin xkib’ano ri’, jeri utzijol xuya’o ri Subdirector rech B’anow Tzukunik ri’, rech ri PNC Ervin Mayen.

Eri Tz’ib’anel rech ri MP, Mayra Veliz xuya’ ub’ixik che ri uwach taq b’anow k’ax ri’ rumal ri’ xek’am b’ik pa q’atb’altzij ri nik’aj winaq xechapatajik ri’ rumal b’anow toq’inik pwaq ri’, b’anow kamisanik, poq’san pwaqil maj pa usaqil ri’, b’anow xib’inem chi ke winaq ri’, xuquje’ rumal choman b’anow k’ax le maj pa usaqil ri’.

Xuquje’ xub’ij che ri k’o kajib’ q’inomalil chi pwaqil xraqataj ri’, are wari’ che ri oxib’ nuk’wokaj b’anow k’ax ri’ xkeleq’aj chi ke taq le winaq che ri xkib’an k’ax chi ke ri’ pa keb’ panik’aj junab’ ri’.

Eri Veliz xub’ij chik eri uwachinem ri b’anow tzukunik ri’ are xuq’alajisaj uwach jun kamisanik xkib’an ri’, k’o 18 chi ajchoq’e ch’ich’ rech erelwinaq xkeleq’aj xkib’an toq’inik pwaq chi ke ri’, e k’o ajjachel taq jastaq ri’ xkib’an k’ax chi ke ri’, e k’o lajuj chi winaqil ri’ xkib’an k’ax chi ke ri’ xuquje’ e k’o kajib’ nimk’ayib’al xeraqatajik k’o kuwach kuk’ nik’aj b’anol k’ax ri’ che ri xechapataj ri’.

COMPARTIR