Eri PNC e 25 ak’alab’ xeresaj pa k’axalaj chak ri’

231

Eri ya’olchajinik ri’ are xb’antajik’ ub’i’ ri’ pa wokajil “Angelitos Dormidos”, kumal ri eqa’lenelab’ rech ri Unidad Especializada rech ri rech Subdirección General rech ri Investigación Criminal uq’atexik ri k’axalaj chak kemin wi ri winaq ri’, rumal xb’antaj kowinem e 25 chi ak’alab’ xe’esax pa le k’ax chak ri’.

Eri zukunem ri’ are xb’antajik aretaq xk’ul panoq jun ub’ixik b’anoj k’ax rumal ri q’atb’altzij rech pa nimatinamit ri’, che e k’o ak’alab’ ri’ tajin e kojom pa k’axalaj chak ri tajin kakita pwaq uxo’l taq ja pa nimatinamit ri’, ri amaq’el ketajin kewarik k’ut, rumal ri’ xb’an jun tzukunem chi kij ri’, xuquje’ xe’il pa taq esab’al wachib’al ri’, rech xtaq ri b’anoj tzukunik chi kij ri’ rumal ri’ xb’antaj kowinem xe’esax pa le k’axalaj chak ri’, rech xejachik pa kiq’ab’ ri Q’atb’altzij rech Amaq’ilal ri’.

Eri viceministro rech Seguridad, Elmer Sosa xuya’ ub’ixik che we jun nim tzukunik chi kij ri’ are sib’alaj utz xb’an pa komon taqawokajil ri’ xuquje’ rech keb’an nik’aj chik tzukunik kumal e 79 eqa’lenelab’ chajin tinamit ri’ xuquje’ kumal e 15 ajtzukunelab’ rech ri SGIC, ri e are xkiraqo ri taq ak’alab’ rech xkesaj pa k’ax ri’.

 “eri tijob’enik kaya’ che jun eqa’lenel rech ri PNC ri’ are sib’alaj nim k’o kupatanij ri’ rech kachomaxik ri kaya’ loq ub’ixik ri’ xuquje’ rumal k’o tzukunik kab’an chi rij ri’”, xcha’ ri Sosa.

Xuquje’ sib’alaj xuya’ utzijol che pa junab’ ri’ e k’o 185 ak’alab’ xe’esax pa k’ax pa we amaq’ tinamit ri’.

Nota: Wendy Älvarez 
Fotos: Alberto Galiano   

COMPARTIR