PNC-SGAIA k’o 34 pisb’al ruk’ Cocaína xuraq pa San Marcos

511

Pa le uterenb’exik jun sik’onem ri xok loq pa rajilab’al ch’a’wb’alil antinarcótico 1577 rech ri PNC, eri eqa’lenelab’ rech ri Fuerza de Tarea Insterinstitucional Tecún Umán e k’o keb’ ch’ich’ xkiq’atij ri’ chupam ri xkiraq wi 34 chi pisob’al ruk’ Cocaína, are wa’ xk’ulmataj pa le aldea la Montañita, Ayutla, San Marcos, chi’ k’u ri’ xopan wi ri MP ruk’ ri PNC aretaq xya’taj ubixik chi ke ri’.

Pa uk’isb’al ri’, eri eqa’lenelab’ ajchajin tinamit xkiya’ ub’ixik che ri Rony Benjamín Reina Baltazar, 24 ujunab’ xuquje’ a Edgar Demetrio Alfaro Rodríguez, 20 ujunab’, jas che xechap ri’, eri keb’ achijab’ ri’ pa jun pick-up P-329GSD, Mitsubishi, chaj rij, e b’enaq wi, chupam wi xraqataj wi jun koxtar ruk’ awan kunb’alil, chi’ k’u ri’ xchakuj wi rij le K-9, ruk’ utob’anik ri tz’i’ eqa’lenel ub’i’ Junni.

Eri ajno’jinelab’ rech ri PNC-SGAIA ri’ e are xkiraq xkisolij upam ri jun ch’ich’ ri’ ruk’ no’jchakub’al ri’ rech xkiraq ri jastaq maj pa usaqil ri’ pa jun upam ub’anikil CT-40, ruk’ wa’ are xkikoj jun puq chakub’al rech xketaj xkisolij raqan taq ri ch’ich’ ri’ ub’i’ Buster, chupam k’u ri’ k’o xkiraq wiri ri awan kunb’alil ruk’ cocaína, are wa’ xkik’owisaj pa jun etab’al rech ri’.

Eri jun chik pick-up are xsolixik kumal rajchak ri FTITU ri jun ch’ich’ are taretal P-158DLM, are wa’ b’insam rumal ri Julio Genaro Reina Baltazar 26 ujunab’, (ralaxik ri Rony Benjamín) chi’ k’ut xraqataj wi le Q.1 mil 765.