Eri winaqil rech Tuichán ruk’ ri rech Ixchiguán keki’kot che kikunaxik rumal ri Uro’ Viceministerio ri’

201

“Sib’alaj kinmaltyoxij kuk’ ri e Ajchajil Tinamit xuquje’ kuk’ ri E Ajchajil Amaq’ rumal xepe kuk’ ri e ajkunanel rech xakisolij nub’oq’owach ri’ xuquje’ xakikunaj ri jun yab’il ub’i’ gastritis ri waqxaqib’ junab’ chik ub’anom k’ax chuwe”, xcha’ ri Esteban Gómez, 64 ujunab’ ri’, pa le uq’ij kunanik rumal ri Uro’ Viceministerio Antinarcóticos, ruk’ kitob’anik ri Ministerios rech ri Defensa xuquje’ ri Salud, pa taq ri juyub’ tinamit rech San Marcos ri’.

Eri Julieta Hernández Velásquez, xub’ij eri uq’ijol kunanem ri’ are xuya’ ilonem chi ke ri taq ne’ che ri maja’ xe’alax ri’, retaq xe’il pa le ultrasonido ri’ chi’ k’u ri’ xe’ilik che we e utz we man utz ta ri’ aretaq ke’alax cho uwo q’ijsaj ri’.

“Sib’alaj ki’kotem uj k’o ri’ rumal ma jumul taj e petinaq che b’anow kunanem ri’, are wari’ jun nim tob’anik ri’, chaqe uj rumal uj meb’a’ xuquje’ man k’ot qarajil kujb’e tane’ pa kunanem xuquje’ pa taq ja kekunax wi winaq e yowab’ ri’”.

Aretaq xta che chi rij ri chak katajin kumal ri e ajchajinelab’ ri’ chi rij ri’ are wa’ xub’ij che utz ri kichak ketajin che ub’anik ri’, xa’rumal man xaq ta chik ya’olchajinik kakiya’o xane’ are chik kakiya’o pixb’anik che taq ri ixoqib’ che ri e yowab’ ri’.

Eri Inspector rech ri PNC, Edgar Recinos, xub’ij eri kichak patan ri eqa’lenelab’ ri’ are ketob’anik pa le uchak patan ri Uro’ Viceministerio Antinarcóticos pa le uq’ijol b’anow kunanik che ya’olchajinik ri’, rech xkita’o ri e ajkun kuk’ ri winaq che ri keta’m taj jawchi’ k’o wi ri ja k’olib’al kunanem ri’ xuquje’ rech xkib’ij chi ke jas keb’e che ub’anik kunanem rech kajach kikunab’al ri’.

“Ronojel wari’ are xaqab’an ri’ rumal are wa’ qachak qapatan keqachajij ri winaq ri’, ri jastaq meb’il xuquje’ rutzil kuwach ri winaqilal ri’”.

Eri Carolina Jiménez, ajtzukunel rech ri PNC, xub’ij eri uk’aslemaxik ri uq’ijol ri b’anow kunanem ri’ are sib’alaj utz xcha’ xuquje’ xkub’isaj ub’ixik che ri kichak man xaq ta are uchupsaxik ri amapola xane’ are rech ya’b’al tob’anik chi ke ri winaq chi’ che ri man k’ot kijastaq kimeb’il ri’. Kuk’ ri e ajchajil amaq’ xuquje’ ri e ajkun rech Salud Pública xkikoj chi’ ri ub’anikil kunanem ub’i’ ginecología rech xkib’an exámenes rech Papanicolau, ultrasonidos ri’, rech xkesaj rilik ri VIH sida, ri juntir ub’anikil kunanem ri’, xuquje’ k’o kunab’al xkiya’o chi ke ri winaq che ri xe’opan che kikunaxik ri’.

COMPARTIR