Eri Winaqil ki’kotemal chi ke rumal ri xkoj ri Ya’olchajinik ub’i’ Plan Fortaleza ri’

104

Jun ik’ chik ok’owinaq aretaq xmajtaj ri Plan Fortaleza, eri winaqilal rech ri tinamti Jutiapa jeri’ xkiya’ ub’ixik che ri q’atb’altzij rech ri Wokajil Ajchajil Winaqil xuquje’ chi ke ri Q’atb’altzij rech Ajchajil Amaq’ Iximulew, sib’alaj utz kakilo ri k’olib’al taq ya’olchajinik xkoj pa taq k’ulb’a’t juyub’ pa amaq’ib’ ri’ rumal ri’ xtanab’ uchuq’ab’ b’anow k’ax chi’.

Eri Ya’olchajinik ub’i’ Plan Fortaleza are jun komon chak patan kumal ri taqawokajil chi kuwach ri Ministerio rech Gobernación, ri Wokajil Ajchajil Tinamit, ri Wokajil Ajchajil Amaq’ Iximulew ri’ xuquje’ rumal utob’anik ri Superintendencia rech Administración Tributaria (SAT), ri Taqawokajil rech Migración, ri Ministerio Público (MP) xuquje’ ri Organismo Judicial (OJ), are rech k’o ri ya’olchajinik pa taq le k’ulb’a’t juyub’ ruk’ taq Honduras xuquje’ ruk’ El Salvador, rech kechapik ri winaqil che ri kakib’an k’ax chi’ jacha’ ri e ajq’axal taq jastaq maj pa usaqil, ri kakiq’axaj winaq rech kek’am b’ik pa k’ax, rech keq’atexik ri e ajk’ayin awan kunb’alil xuquje’ rech keq’atexik ri winaqil che keq’axik rech keb’e naj ri’.

Eri winaqillal chi’, ri Q’atb’altzij rech taq tinamti xuquje’ ri e Ajchomanelab’ ri COCODRES xkiya’o ub’ixik che rajawaxik pa amaq’el ri ya’olchajinik ri’ chi’ kumal taq ri Wokajil Ajchajil Amaq’ Tinamit ri’ xa’rumal rech kaq’atexik ri b’anow k’ax kamisanik chi’ xuquje’ rech kak’oji ujikomal ri Taqawokaj pa Amaq’ chi’.

Eri Comisario rech ri PNC Rafael González Huimac, rajawtzij rech ri Fuerza rech Chortí, xub’ij k’ut che ri k’o kupatanij are kil kumal ri winaqilal chi’ chi rij ri ya’olchajinik katajin ri’ tajin k’ut kuk’utu che xqaj uchuq’ab’ ri b’anow k’ax kamisanik chi’.

“E reqaxik k’aqb’alil maj pa usaqil ri’, ri k’ayin awan jastaqil xuquje’ kiq’axaxik winaq rech kek’am b’ik pa k’ax are ri’ ri qas k’ax ri xq’alajisaxik ri k’ax che ri kab’an chi’ xuquje’ rumal ri’ e k’o winaq xb’antaj xechapataj ri’”, xcha’ ri Comisario Gonzalez Huinac.

Eri komonchak patan pa nim wokajil ri’ are katajin ri’ xuquje’ are wa’ kaya’ na uchuq’ab’ ri’, xcha’ ri Rajawtzij rech ri Estado Mayor rech ri Defensa, General Juan Manuel Pérez Ramírez.

Ruk’ ri Plan Fortaleza ri’ are kaya’ pa chajixik ronojel uwach raqan ri k’ulb’a’t juyub’ ri’, rech katz’apixik ri awan taq b’e q’axnik xuquje’ ri nimab’e ya’tal ri’ pa chajinik ri’. Rech b’a’ ri k’o solinik kab’an chi’ pa nik’aj ch’ich’ jeep J8, che kok’ow pa le uk’ux’ k’ulb’a’t ri’ chi’ k’u ri’ kab’an ri chajinik xuquje’ pa taq le awan b’e q’axb’al ri’, rech kaya’ jun nim tob’anik ri’ aretaq kb’antaj jun k’ax maj pa usaqil ri’ xuquje’ rech kek’am b’ik pa q’atb’altzij chinaq kakib’an ri k’ax ri’.

K’o pa uq’alajil ri b’iw k’ax katajin chaqe chi’ ri uj k’o pa taq le amaq’ tinamit rech ri triángulo norte xuquje’ rumal ri’ katajin uya’ik uchuq’ab’ ri ya’olchajinik pa k’ulb’a’t juyub’ ri’ pa we jun komonchak taqawokajil pa le Plan Fortaleza, xcha’ ri Coronel Antonio Cámbara Deras, Comandante rech ri Urox Brigada rech Infantería pa Jutiapa.

COMPARTIR