Eri Wokajil Ajchajil Tinamit xunimaj kesaxik ri winaq pa Semuc Champey

243

Eri Taqawokajnel rech Gobernación Francisco Rivas Lara, xuya’ ub’ixik che ri kesaxik ri winaq ri’ xb’antaj kowinem kumal ri Ajchajil Tinamit pa jun k’olib’em tob’am uwach rech ri Parque Semuc Champey, xnimax uwach ri’ rumal jun utaqanik q’atb’altzij ri’.

Eri taqawokajnel xuya’ ub’ixik che ri chak rech sak’ajil tzukunem ri’ kak’is ri’ pa le kajib’ q’ij rech ik’ julio, aretaq unimaxik kesaxik ri winaq chi’ kumal e 600 eqa’lenelab’ ajchajil tinamit ri’, man xb’antaj kowinem ri’ che rumal e k’o e jo’ob’ winaqil xe’opan che kita’ik e 500 winaq e jaqal chi’, rumal ri’ xetaq na chik e k’i ajchajil tinamit chi’.

Pa le kesaxik ri winaq chi’ pa le q’ij ri’ e k’o 800 eqa’lenelab’ rech ri Wokajil Ajchajil Tinamit (PNC), xetaq b’ik chi’, kachb’ilam rajchak ri Ministerio Público (MP), ruk’ ri Q’atb’altzij rech ri Ya’talil Winaqil (PDH), ruk’ ri Comisión Presidencial rech Ya’talil Winaqil (COPREDEH), xuquje’ kuk’ ri Consejo Nacional rech Áreas Protegidas (CONAP).

Eri Ministro Rivas, xuya’ ub’ixik che pa le kesaxik winaq ri’ e k’o keb’ ajchajil tinamit xesakatajik che k’aqb’al ri’ xuquje’ k’o jun chi ke xch’ay chi ke.

Eri parque we kamik ri’ jamatil chik uwach ri’ xuquje’ k’o pa kiq’ab’ ri q’atb’altzij ri’, chi la’ k’ut e k’o jun nim molaj ajchajil tinamit e k’o pa chajinik ri’ kumal ri eqa’lenelab’ rech ri Divisiones rech Fuerzas Especiales, DISETUR y DIPRONA, ri are man k’ot ub’ixik nikpa’ q’ij kakib’an che chajinik chi’, rech kakikub’isaj kichajixik ri q’atb’altzij keraqataj chi’, kuk’ ri wa’katel xuquje’ ri winaqi e jaqal chi’.

Rech b’a’ man k’ot chi jun winaq ke’opan chik chi’, eri INGUAT xutaq jun ub’ixik chi ke ri winaq e wa’katel, eri parque ri’ tz’apim ri’ pa taq le q’ij ri’.

Eri kesaxik ri winaq chi’ are xb’antajik aretaq qaraj k’o keb’ ik’ chi tzukunik xb’an chi rij ri’, kumal ri eqa’lenab’ rech ri PNC, kuk’ ri winaq keraqataj chi’ pa le loq’ k’olib’em ri’.

Swiffy Output
COMPARTIR