K’o lajuj chi alaj kejach’ich’ xya’taj chi ke rumal ri Instituto Guatemalteco rech Turismo (INGUAT), xmajtaj k’ut rilik uwachinik ri ya’olchajinik chi rij ri’, xa’rumal k’ut eri chokonsab’al ri’ are kuya’o chi ke ri e ajchajil tinamit rech ke’opan naj na che ya’olchajinik ri’, pa taq ri k’olib’em ri’ xa’rumal ri’ e k’o e k’i b’anow k’ax xechapataj ri’.

Eri Gerber España are jun chi ke ri juwinaq eqa’lenelab’ che ri kuya’o ri ya’olchajinik pa le sexta avenida.

Eri taqanel rech ri Jefe rech ri División rech Seguridad Turística rech ri Wokajil Ajchajil Tinamit (DISETUR), Tórtola xuya’ ub’ixik che ri xkowin k’tu che kichapik e panik’aj jo’k’alib’al chi winaqil ri’, ri xechapataj ri’ rumal e aj jachal rech ri awan taq kunb’alilr i’ xuquje’ rumal kiya’m kuk’ rech katijixik ri’, pa taq le parques Central xuquje’ pa San Sebastián rech pa Uk’u’x Nimatinamit xuquje’ eri jujun taq b’anol k’ax kakib’an elaq’ ri’.

Xuquje’ xub’ij che ri k’i taq winaq xechapik ri’ rumal b’anow ch’ojinik pa tinamit ri’ eri kichapik ri’ are ri’ uwachinik ya’olchajinik xb’an pa tinamit ri’ che ri kak’iyix wi tzam rech kakiq’ab’arisaj kib’ ri winaq ri’ pa le Uk’u’x Nimatinamit ri’.

Eri Taqanel rech ri DISETUR ri’ xuya’ ub’ixik ucholaj pa taq le uq’ijol ri chak ri’ are pa taq le waqib’ kajb’al rech saqarib’al k’a pa taq lajuj kajb’al rech chaq’ab’ ri’, pa taq le 18 calle xuquje’ sexta avenida k’a pa le umajb’al ri Parque Morazán xuquje’ eri e ajchak ri’ pa taq le zona 10 pa le avenida Reforma xuquje’ chi rij panoq kuwa’katix wi’ ri ya’olchajinik chi rij taq kejach’ich’ ri’.

Eri Tórtolo xuya’ ub’ixik che pa taq le q’ij ri’ aretaq k’o ri jachakunb’alil chi’ are kakimaj chik uwach ri winaq e ajk’ulja chi’, ri e ajk’ayib’, ri e ajchoq’e taq k’ayib’ ri’ xuquje’ ri e ajb’inel wa’katel pa le Sexta Avenida rech kakiya’o kuwach kuk’ ri eqa’lenelab’ rech ya’olchajinik ri’chi rij ri k’ak’ taq alaj kejach’ich’ ri’.

Eri eqa’lenelab’ ri’

Eri Gerber España, are jun chi ke ri juwinaq ajchak rech ri Jachakunb’al ajchajin tinamit ri’ ke’uchajij ri winaq wa’katelab’ kepe naj xuquje’ ri e aj chi’ kewa’kat pa le sexta avenida, xuquje’ xuya’ ub’ixik ucholajil che we kamik ri’, maltyox b’a’ eri alaj taq kejach’ich’ ri’, pa aninaqil kakijipij kib’ ri’ xuquje’ are utz rech kakita’o kib’ chi kuwach kuk’ ri kachib’il ri’, are kuya’ pa unajil ri ya’olchajinik pa aninaqil ri’.

“Eri winaqib’ che ri kub’inaq kik’u’x chaqe ri’, kakita chaqe ri ub’ik taq ri b’eyal ri’, rajawaxik b’a chi ke jun k’amal kib’e ri’, keqachajij k’ut rech ki’kotem keb’e kewa’katik ri’ xuquje’ aretaq ketzalij pa taq katinamit ri’, rumal k’ut e qajib’al q’ab’ ri’ ri pwaq tojb’al kakiya’ kanoq pa le umeb’il pwaqil ri amaq’ tinamit ri’”, xcha’ ri España.

Che ri eqa’lenel chajin tinamit ri’, Leonor Aguilar Alfaro, ri k’o chik 13 junab’ katajin che chak patan pa le PNC ri’ xuquje’ k’o chik oxib’ junab’ katajin pa le DISETUR ri’, eri uk’ob’ik ub’antajil chi’ are xuya’ kowinem che rech xch’a’w kuk’ e k’i taq winaq ri’ rech k’i taq amaq’ tinamit xuquje’ rumal ri’ are wa’ rajawaxik chi ke ri konojel ri e ajchajil tinamit rech kakiraqo kech’a’w pa inglés tzij ri’.

“E kajib’ k’ut qachib’il aj ixoqib’ ri’ ri uj k’o pa le jachakunb’al rech alaj taq kejach’ich’ ri’ xuquje’ are wa’ ya’el ki’koteme chaqe uj aj winaq che ri k’o qawach ruk’ we jun k’ak’ b’antajil ya’olchajinik ri’, rumal ri’ are sib’alaj utz we jeri’ kab’an pa taq nik’aj chik tinamit ri qas ke’opan wi winaq e wa’katelab’ ri’”, xcha’ ri Aguilar Alfaro.

COMPARTIR