Eri eqa’lenelab’ rech ri Wokajil Ajchajil Tinamit (PNC), xkiya’o uchuq’ab’ ri chomanik chi ke ri taq ak’alab’ kuk’ ri alab’om alitom e ajq’axal pa taq amaq’ ri’, are wari’ rech jun ya’b’al utzilem chi ke taq ri ak’alab’ che ri keraqataj che uk’ulmatajik b’anow k’ax chi ke ri’, jeri’ xuya’ ub’ixik che ri q’atb’altzij rech ri Sección rech Ucholchak patan ri Subdirección General rech Q’atenik b’anow k’ax pa le Wokajil Ajchajil Tinamit ri’.

Eri eqa’lenelab’ ri’ kek’uttijoxik pa le uwachtzijonem chomanik rech Alba-Keneth, chi rij Ya’talil Winaqil chi ke taq le ak’alab’ e ajq’axel pa taq amaq’ ri’, rech k’o pa ub’anikil kichomaxik chi ke ri taq ak’alab’ xuquje’ chi ke ri alab’om alitom ri’, che ri kiq’apom uwach ri pixab’ taqanik ri’ xuquje’ ruk’ ri k’ak’ uwach taq kib’antajil alab’om achijab’ ri’.

Eri José Antonio Tzuban, subdirector rech Q’atel B’anow K’ax rech ri  PNC, e 206 eqa’lenelab’ e ajchajil tinamit xek’uttijoxik pa abril kanoq, e 590 pa mayo kanoq rech pa konojel e 796 xek’uttijoxik chi rij wa’ taq uk’u’x uwachtzijonem ri’.

Xuquje’ xub’ij ri’ che ri komon winaqilal ri’ xya’taj ub’eyal pixb’anik tijonem chi ke  ri’ xuquje’ xek’uttijoxik che ub’anikil taq cholb’al chak jacha’ ri Tijob’al ib’ kech tat nan ri’, uwokik ri’ xuquje’ utereb’exik ri komonb’al e ajchomanel rech ri q’atel b’anow k’ax ri’, k’utum chi ke rech kechakun kuk’ komon winaqilal ruk’ taq taqanem xuquje’ chi rij ri no’jk’aslemal rech kamanb’al kakiya’o loq ub’ixik aretaq we k’o k’ax kakilo kak’ulmataj ri’.

Pa enero k’a pa abril rech pa junab’ir b’enaq ri’ xek’uttijoxik e 7 mil 355 winaqilal ri’, pa mayo kanoq e k’o 618 chi ke xkitz’aqatisaj pa kajilab’al ri’ ruk’ e 7 mil 973 xetijox ri’ xuquje’ xk’am ub’eyal kichomab’alil rech kakib’an utz taq tat nan ri’ xuquje’ rech utz taq b’esina ri’.

Eri q’atenik taq b’anow k’ax ri’ are xb’antaj kowinem rech xkojik pa jun k’amow ib’ pa jikomal xuquje’ pa joremal b’anikil ri’, xcha’ ri Tzuban ri’.

COMPARTIR