Eri ajchajil tinamit xkik’is uwach tijob’en ib’ chi rij kojb’al rech K’aqb’alil xuquje’ chi rij Ub’eyal Na’wil Ya’olchajinik xkesaj pa Miami

137

E k’o jun molaj chi taqanelab’ rech ri División rech Fuerzas Especiales rech Ajchajinelab’ ri’ (DIFEP), xkik’is uwach tijob’en ib’ rech kojb’al rech K’aqb’alil xuquje’ chi rij Na’wil Ya’olchajinik ri’ (SWAT), ri pa oxib’ uwach wuqq’ij xkesaj wi, , pa le Instituto rech  Entrenamiento rech Seguridad Pública rech Miami Dade, pa le unimaq’ij xb’antaj ri’ chi’ xtatb’en wi ri Ministro rech Gobernación, Francisco Rivas Lara xuquje’ ri Nimak’amal b’e Amaq’ Jimmy Morales.

Eri k’uttijonem ri’ k’i uwach xk’is uya’tajik chi rij ukojik k’aqb’alil ri’, are rech pa le reta’maxik uch’ob’ik ri k’ak’ taq ub’anikil ri kojb’al ri’, rech pa le uya’ik uchuq’ab’il uchak upatan ri wokajil ajchajil tinamit ri’. Eri tijonem ri’ are xya’tajik pa le ub’anikil ub’i’ “tijonik che ri ajtijonel”, rumal ri’ are xya’taj chi ke ri e taqanelab’ rech kakijipij ub’ixik ub’antajil aretaq ketzalij loq ri kachib’il pa Iximulew ri’.

Eri Morales xumaltyoxij ri tob’anem che ri xya’taj ri’ rumal ri Estados Unidos rech uya’ik uchuq’ab’ ri uchak upatan ri Wokajil Ajchajil Tinamit ri’ (PNC), xuquje’ xuki’kotirsaj uwach ri Rivas Lara rumal ri uchak upatan ri’, rumal k’ut xq’atataj uchuq’ab’ rajilab’al ri b’anow kamisanik pa Iximulew ri’.

We jun wokaj kuwach e 20 oficiales ri’, kakitun kib’ pa le kajilab’al ri e 396 eqa’lenelab’ rech ri PNC, che ri xk’is katijoxik rumalri Departamento rech ri Ajchajil Tinamit rech ri Condado Miami Dade k’a pe 2014, chi rij jalajoj uwchinemtzij eta’mab’al ri’, eri uwach taq ri xya’ pa tijoxik ri’: chi rij Ajchajil Komonwinaqilal ri’, chi rij K’amow ub’e chak patan ri’ xuquje’ ri B’anow rumal ri Ajchajinel ri’, b’anom nimaq’ uwach taq tzukno’jchak ri’, chi rij Ub’eyal Esanik pa k’ax Kik’aslemal Winaq ri’, Ya’olchajinik chi rij Kejach’ich’ ri’, chi rij nik’aj chir’ ub’antajil ri’.

Eri b’anow tijonem ri’ are uwach ri komonchomanik chi kuwach ri Oficina rech Asuntos Antinarcóticos Internacionales xuqje’ Ukojb’alil ri Taqanem rech ri (INL jeri’ub’i’ pa inglés) rech ri Departamento rech Estado rech ri Estados Unidos xuquje’ ri Departamento rech ri Chajintinamit rech ri Condado rech Miami-Dade rech keta’ik ri amaq’ib’ nimatinamit jacha’ ruk’ le Iximulew ri’, ri Honduras, ri Egipto xuquje’ Haití rech kaq’atexik ri nuk’wokaj b’anow kamisanem pa taq nimatinamit pa uwachulew ri’ xuquje’ rech uq’atexik ri b’anow k’ax pa taq le katinamit ri’.

We jun komonchomak ri’ are xmajtajik pa le 2012 xuquje’a re xk’extaj uwach pa le 2016 pa jun nimriqb’alib’ rech chomanik xb’antaj ri’, chi’ k’u ri’ xtatb’en wi ri Ministro rech Gobernación, Francisco Rivas Lara, ri K’amal b’e rech ri Wokajil Ajchajil Tinamit ri’, Nery Ramos, ri  Congresista Ileana Ros-Lehtinen xuquje’ ri William Brownfield, Secretario Adjunto rech ri INL ri’.

COMPARTIR