Eri ajchajil tinamit ketijoxik rech ketob’anik pa le cholchak pa taq tijob’al ri’

221

E 30 eqa’lenel rech ri Wokajil Ajchajil Tinamit (PNC), ketijox na pa le retal tijonem ri’ ub’i’ “Ajchajinel are ya’olchajinik pa tijob’al ri’”, jeri’ xb’anik pa le ilb’anem rumal Research Triangle Institute International (RTI Internacional), chi’ k’u ri’ xopan wi ri viceministro rech q’atel k’ax Axel Romero xuquje’ ri José Antonio Tzubán, k’amal b’e rech q’atel k’ax jachakunb’al rech ri PNC.

Eri Romero, xub’ij che ri eqa’lenel ri’ pa kiq’ab’ k’o wi kakib’an utz chakunem patan pa le jun ub’eyal utzalaj ya’olchajinik ri’ xuquje’ are kub’inisaj uwach rech kub’an chi ke ri winaqilal kakub’ kik’u’x chi ke ajchajil tinamit ri’ “eri PNC ya’om tijonik chi ke rech kakiraqo kechoman ruk’ ri winaqil tinamit ri’, are wa’ xa’rumal ri k’i uwach taq tijonem ya’om chi ke ri’”.

Eri Tzubán, xuya’ ub’ixikche rajawaxik kaya’ uchuq’ab’ ri ub’anikil chak patan ri’ pa le kichajixik ri winaqilal ri´.

Eri eqa’lenel ri’ kakijipij ri keta’mim ri’ pa le xetijox che are wari’ kakiya’o ub’ixik chik rech kaketa’maj ri kachib’il rech pa le jun chak kakib’an kuk’ ri winaqilal ri’ xuquje’ rech kakiraqo kechoman kuk’ ri winaq tinamit ri’.

COMPARTIR