“Eri eqa’lenelab’ che ri xeyutuxik pa San Marcos man xech’ey ta ri’ xuquje’ pa amaq’el xojtzijon kuk’ ri e are”, xcha’ ri Francisco Rivas Lara Ministro rech Gobernación, jeri’ xuya’ ub’ixik ucholajil xa’ maltyox b’a’ che ri chomanik xb’an chi’ rech pa aninaqil xeqopax uloq.

Xub’ik che pa taq le tinamit rech Ixchiguán xuquje’ Tajumulco rumal ri b’anow ch’ojinik b’anom pa taq le juyub’ tinamit ri’, k’o jun wokaj ya’olchajinik xetaq b’ik ri’ rech man k’ot b’anow k’ax xb’an chi kuwach ri juyub’ tinamit ri’, are wari’ xb’antaj pa taq le k’ulb’a’t juyub’ pa amaq’il chi’, rumal ri’ kab’ixik man rumal taj xechap chi’ ri 17 eqa’lenelab’ ri’.

Xuquje’, eri Rivas Lara xub’ij, che ri qupim taq awan ichaj tikom pa taq le juyub’ tinamit rech Ixchiguán xuquje’ Tajumulco chi’ k’u ri’ konojel keta’m k’ut karaqataj wi ri peraj taq tiko’n ri’ che ri are katikik xuquje’ rech kesach ri amapola che xuquje’ chi’ k’u ri’ xa’rumal ri’ k’o nimalaj ch’ojinik xtukutaj rumal ri’ pa le juyub’ tinamit ri’.

Eri b’anow chomanik are qas xuya’ uchuq’ab’ ri xchomatajik ri’

“Eri e are ri’ man k’ot jun winaq tane’ xch’ayow kech, man k’ot tech’enik xb’an chi ke xuquje’ eri Comisión Nacional rech B’anow Chomanik are wari’ xuya’ ub’ixik ri achi Rocael Cardona aretaq xmajtaj ri chomanik kuk’ ri winaq che ri xechapowik, xuquje’ pa le ub’antajik ri chomanik rech xetzoqopax loq ri eqa’lenelab’ rech ri PNC ri’”, jeri’ xuya’ ub’ixik ri Taqawokajnel rech Ya’olchajinik ri’.

Pa le uk’isb’alil ri’ xya’ k’ut ub’ixik eri b’anow tzukunik xmajtaj ri’, rech katerenb’exik chinaq xtaqaw kichapik ri’ rech k’o tojb’al kakoj chi kij ri’ rumal ri Ministerio Público ri’ jeri’ rech kaya’ ub’ixik che ri q’atol tzij chi’ rech kutaq kichapik chinaq e ajmak chi rij jun b’anow k’ax ri’.

COMPARTIR