Rumal b’anow k’ax elaq’nik xechapataj nik’aj rech q’atb’altzij xuquje’ rech taqawokajil  ri’

89

Eri eqa’lenelab’ rech ri Wokajil Ajchajil Tinamit (PNC) xuquje’ ri q’atol tzij rech ri Ministerio Público (MP), e k’o kajil winaq xekichapo ri’, e k’o keb’ rajchak ri taqawokajil xuquje’ keb’ rajchak q’atb’altzij ri’, kab’ixik xa’rumal k’i uwach kimak ri’.

Pa le kichapik ri’ e k’o 25 eqa’lenelab’ rech ri Wokajil Ajchajil Tinamit xuquje’ wuqub’ ajq’atol tzij rech ri Ministerio Público, are rech k’o kajib’ chi tzukunik xib’ano rech kakichap k’ut jo’ob’ winaq ri’.

Eri viceministro rech ya’olchajinem rech Gobernación, Ricardo Guzmán xuya’ utzijol che aretaq k’o jun ximontzij pa q’atb’altzij xb’an chi rij ri a Erick Estuardo Castillo Fernández, ri xk’oji che ex director rech xk’oji che k’amow b’e chi rij upwaqil ri Q’atb’altzij rech Tucurú, Alta Verapaz xuquje’ are ri xjuch’u oxib’ uwach taq taqom wujil rech xresaj Q52 mil 999.06 che ri upwaqil ri Q’atb’altzij ri’, rech xutajo jun k’asaj rech ri jun achi ri’.

 “Eri Castillo Fernández ri’, kab’ixik eri b’anow k’ax xub’ano are xterenb’ej xresaj ri pwaqil ri’ xuquje’ rumal xukoj che resaxik wujil man k’ot pa usaqil ri’”, xcha’ ri Guzmán.

Xuquje’ ri al Mayra Veliz, rajtz’ib’ ri MP, xuya’ ub’ixik che xchap ri’ a Jayro David Chamalé González, xa’rumal maj usaqil kichak winaq xuya’o pa le Dirección General rech Educación Física (DIGEF) xuquje’ xya’ ub’ixik che ri b’anow k’ax xub’an ri jun a González ri’ are wa’: b’anow k’ax yoq’onik pa utaqanik ri’ xuquje’ k’o itzel uwach minowtzij xub’ano.

Eri Estuardo Campos taqanel k’o pa le Fiscalía rech q’atel b’anow k’ax pa taqawokajil ri’, xub’ij eri ex tesorero rech ri hospital Infantil rech Infectología xuquje’ rech Suk’umal Yowab’ rech ri Ministerio rech Salud Pública xuquje’ Asistencia Social, William Donaldo Hernánddz Alfaro are xchapik xa’rumal man xunimaj ta uwach kojpa’ ri choman chik katojik pa le 2,013, xuquje’ rumal xe’utzaqo ri wujil rech tojb’al ri’ ri k’o pa reqa’lenib’al ri’.

Pa k’isb’al rech ri’, eri Hernández Alfaro, kab’ixik eri umak are man xunimaj ta uwach ri uchak upatan ri’, xuquje’ rumal b’anow elaq’nik sachon pwaqil man pa usaqil ri’.

Swiffy Output
COMPARTIR