B’antaj oxib’ q’ij chik katajin kichapik e waqxaqib’ b’anol kamisanik xuquje’ toq’inik pwaqil ri’

165

Maltyox b’a’ chi ke ri komon e ajchajil tinamit kuk’ ri tzukunelab’ xuquje’ ri q’atol tzij rech ri Ministerio Público, kamik ri’ k’o kajlajuj chi tzukunik xb’antaj kowinem xb’antajik rumal ri’ k’o e wuqub’ ri’jab’ ruk’ jun taqal na xechapatajik, kab’ixik e uwinaqil ri jun molaj b’anol k’ax kib’i’ “Córner Gánster”, rech ri Pandilla rech ri Barrio 18, kab’ixik are b’anow kamisanik tajin kakib’ano ruk’ toq’inik pwaqil ri’.

Eri xechapatajik ri’, are rumal k’ut ri waqxaqib’ ik’ b’anow tzukunem xb’anik, eri xechapik e are k’u ri’ kib’i’ a Carlos Josué Méndez, 24 ujunab’ ri uq’ab’em “El Brouwn”kab’ixik, k’amal b’e ri jun molaj b’anol k’ax ri’, al Miriam Marleny Ruano Calderón 27 ujunab’, a Walter Gustavo Rafael Herdwittini, 21 ujunab’, a Edgar Domingo Uluan, 18 ujunab’, a Elvis André Gatica, 22 ujunab’, a Marcos Benjamín Puluc Morales, 22 ujunab’, a Erwin Estuardo Monroy Mata 20, uq’ab’em “El Cabezón” kab’ixik xuquje’ ruk’ taqal na ujunab’ chi ke, je ri’ xub’ij ri Ana Elena Guzmán, Nab’e Ajtz’ib’anel rech ri Ministerio Público.

E k’o ak’alab’ tajin kakikoj kuk’

Eri tzukunem xb’an chi kij ri jun molaj b’anol k’ax ri’ xuq’alajisaj eri nik’aj b’anol k’ax ri’ e to’m kumal ri nik’aj clicas MDR, ri Crazy Rich y Litle Psyco e kamisanelab’ xuquje’ pa le jun molaj b’anol k’ax ri’ tajin e k’o ak’alab’ kakikoj kuk’ ri’, are rech ketaq che b’anow kamisanik xuquje’ rech b’anow nik’aj k’ax ri’, je ri’ Comisario, Nery Benito, rech ri División Especializada rech Investigación Criminal (DEIC) ri’.

Xuquje’ xub’ij che xb’antaj kowinem xch’ob’ik che we jun molaj b’anol k’ax ri’ pa taq wuqq’ij, pa taq nik’ajil ik’ xuquje’ pa taq ik’al ri’ tajiin xkib’an toq’inik pwaq chi ke ri e ajb’insal ch’ich’ erelwinaq ri’, je ri’ b’anow k’ax xkib’an chi ke ri taxis xuquje’ chi ke ri ch’ich’ rech eqa’nib’al kakijacho jastaq ri’ xuquje’ e are kab’ixik k’o kajib’ kamisanik kib’anom rumal b’anow toq’inik pwaqil chi ke taq ri winaq ri’. .

Kab’ixik chi rij ri toq’inik pwaq ri’, eri Benito, xuya’ ub’ixik are xkikoj che uloq’oxik k’aqb’alil, awan kunab’, xuquje’ rech tojb’al ja xek’oji wi, xuquje’ rech tojb’al ajkojol tzij tob’anel chi ke xuquje’ rech kakila’wchij ri nik’aj taqanel chi ke ketaqataj pache’ tz’apib’al ri’ xuquje’ ka’ chi’ k’u ri’ kakitaq wi ri b’anow k’ax ri’.

Swiffy Output
COMPARTIR