Aretaq xb’antaj ri molinem chomanik kuk’ ri k’amal b’e rech ri Wokajil Ajchajil Tinamit (PNC) rech k’o jun nimalaj cholchak rech ya’olchajinik kakoj pa le Sexta Avenida rech ri zona 1 pa nimatinamit, je ri’ xuya’ ub’ixik ri viceministro rech Q’atel B’anow K’ax, Axel Romero, are wa’ jun nim uchak patan kab’an rumal ri Ministerio rech Gobernación xuquje’ rumal ri wokajil ajchajil tinamit ri’.

Xuya’ ub’ixik ucholajil eri ya’olchajinik kab’an chi’ are xa’rumal e k’i le winaq kewa’kat chi’, rumal k’u ri’ are karaj pa utzilem b’a’ kewa’kat le winaq chi’ xuquje’ xa’rumal are wa’ jun k’olib’al ya’talil wi k’utb’al rech kib’antajik ri k’aslemal pa le Nimatinamit ri’.

Pa lunes kajach ri Cholchak ri’

Eri Viceministro rech Q’atel K’ax xub’ij chik che pa lunes petinaq ri’ k’o jun ukab’ riqb’al ib’ chomanik kab’anik rech kachomaxik kuk’ taq ri wokajil ajchajil tinamit ri’ are chi ke ri Subdirección General rech Análisis xuquje’ Información Antinarcótica (SGAIA), ri Subdirección General rech Operaciones, ri rech Q’atel B’anow K’ax, ri Departamento rech  Tránsito, ri Wokajil rech Ya’olchajinik chi ke ri Wa’katel Winaq, (DISETUR), ri Wokajil rech Investigación Criminal xuquje’ ri Comisaría 11, chi jujunal kakijach k’ut kicholchak rech ya’olchajinik ri’ pa juntir ri Parque Central, xuquje’ pa juntir ri sexta avenida k’a pa le 18 calle rech ri zona 1.

Pa k’isb’al rech eri Romero, xuya’ ub’ixik che aretaq k’o chik ri cholchak rech ya’olchajinik ri’ k’o jun riqb’al ib’ chomanik ruk’ ri Q’atb’altzij rech ri Iximulew xuquje’ kuk’ ri Wokajil rech Q’atel B’anow K’ax pa taq kik’olib’al winaq ri’ xuquje’ kuk’ ri komon winaqilal e ajk’ulja ri’ xuquje’ kuk’ ri e ajk’ayib’ rech ri sexta avenida rech komon b’a’ kakoqataj kiq’atexik ri b’anol  k’ax ri’ xuquje’ rech pa le q’atel b’anow k’ax pa juntir chi’.

COMPARTIR