Xeya’ pa k’utik ri e ajtoq’il rech ri Ya’b’al Nimanem pa we Amaq’ ri’

222

Are pa retalil ri’ xejach ri playeras ruk’ ri gorras chi ke ri alab’om alitom ri’, che ri xub’ij ri’ ri K’amal b’e rech ri Nimakomon ri’, Axel Romero, “E are wa’ ri qastzij e nimanelab’ pa le cholchak rech ri Servicio Cívico che ri kamajtaj pa le oxib’ q’ij rech abril ri’ xuquje’ pa le ik’ mayo ri’”.

Pa le riqb’al ib’ ri’ xya’ wi uterenb’exik upatanixik ri cholchak pa we junab’ ri’ xuquje’ eri riqb’al ib’ chi rij ri’ are rech kamajtaj ri uq’axik ri jun nimab’al pa we amaq’ ri’, chi’ k’u ri’ xeya’ wi jujun taq chi ke ri alab’om alitom e reservistas xuquje’ ruk’ nik’aj che ri e are jun pa le ucholb’al uchak ri Dirección rech Tránsito rech ri Ministerio rech Gobernación, che ri kamajtaj pa le q’ij lunes xuquje’ eri jun chik uwch are kamajtaj pa mayo ri’.

“Pa le urox uwach riqb’al ib’ rumal ri Nimakomon rech ri Servicio Cívico ri’ chi’ xetatb’en wi ri K’amal taq b’e rech ri Servicio Cívico (K’amal ub’e tinamit), ri wokajil e ajpatanil rech ri cholchak ri’ xuquje’ ri Nimakomon pa Tinamit e are k’ut e k’o pa le oxib’ uwach ilob’al chak patan rech ri Servicio Cívico”, xub’ij ri Romero.

Xub’ij k’ut che ri taqim uwach ri’ are pa keb’ ilob’al rech ri’, che are rech eri alab’om alitom kakiya’o kanima’ ruk’ ri rajawaxik kachomaxik pa we amaq’ ri’ xuquje’ are ri’ che we amaq’ ri’ kuk’am uq’ab’il ruk’ ri k’ak’ uwinaqilal pa le uk’iyemal ri’.

Ketzijon ri e ajya’el patanem ri’

Eri Liliana del Rosario Chitay,aj San Juan Sacatepéquez ri are, xub’ij che ri nimanik pa we amaq’ ri’ are kab’an ri’ pa taq le tijob’al chi’ k’u ri’ kaya’ wi tijonik rech kepixb’anik ri taq ak’alab’ chi rij q’atenik raqow k’ax pa taq nimab’e ri’ are rumal ri’ kab’an ri tzijonem chi rij ri wa’katem pa taq nimab’e ri’.

Eri Adriana de Paz, are jun pa taq le Reservas Militares xuya’ ub’ixik che ri taqim uwach kanimaxik pa le patanem ri’ are kanimaxik ri’ ri winaq tinamit e aj iximulew aretaq kak’ulmataj ri k’axk’olil pa taq juyub’ tinamit ri’ xuquje’ eri chak patan ri’ are ruk’ ronojel kanima’ kakib’ano.

Ya’b’al uchuq’ab’ tik’ib’al patan taqanik xuquje’ ri b’anow taqanib’al pa taq tinamit ri’

Eri René Morales Flores, Gobernador rech ri Tinamit rech San Marcos xub’ij che ri nimab’al pa le Servicio Cívico are ri’ k’o nim upatanil ri’ xuquje’ are ri’ qas utak’alib’al uya’ik uchuq’ab’ ri ujikomal taqanik pa we amaq’ ri’.

Xub’ij ri’ che are wa’ sib’alaj k’o nim kupatanij ri b’anow sik’ib’al chi ke taq ri alab’om alitom rech ke’ok pa taq le nimanem pa le Servicio Cívico are ri’ xya’taj ub’ixik pa juntir uwach tinamit ri’ xuquje’ are wa’ k’o pa usaqilal ri’ rech kuya’o uchuq’ab’ ri ujikomal b’anow taqanib’al pa we amaq’ ri’ xuquje’ are wa’ rajawaxik kab’an pa ronojel taq tinamit pa we amaq’, are k’o nim upatanil che ya’b’al utzil chi ke winaq tinamit ri’.

Are k’o nim kupatanij ri b’elejeb’ uwach cholchak ri’ le pa konojel ke’uk’am e 5,417 chi alab’om alitom rech ketatb’en pa le loq’ uwach cholchak ri’, chi ke ri’ ri Cholb’al chak rech Tijonem pa ub’anikil wa’katem pa taq nimab’e ri’, chi rij chak patan pa el Departamento rech Tránsito, chi rij wa’ eri SAT tajin kachakun chawe at, Eri Alab’om Alitom k’o jun k’ak’ majb’al kumal, ri ub’anikil taq ri Ministerio rech Desarrollo Social, ri Ala Ali e Kajtijonel e Ajtijonelab’, ri k’o pa reqale’nib’al ri Consejo Nacional kech Alab’om Alitom ri’.

Pa rech wi ri Ministerio rech Cultura xuquje’ Deportes, Ri Alab’om Alitom pa Chak Patan rumal we amaq’ tinamit ri’ pa jun nimalaj silob’inik, ri Ministerio rech Agricultura ruk’ ri proyecto Jóvenes Ketob’anik che Unimarsaxik ri chak patan pa juyub’ tinamit ri’, “Ajchakwinaq chi ke Ajchakwinaq”, ruk’ nik’aj chik uwach ri’, jeri’ xuya’ utzijol ri Secretaría Ejecutiva rech ri Servicio Cívico ri’.

COMPARTIR