Eri qas utaqib’al uwach ri nim riqb’al ib’ xb’antaj ri’ are rech xil uwach ri ja’maril ya’talil ri’ xuquje’ rech utz ub’anik ri q’atoj tzij kab’an pa le kiq’atexik ri b’anow k’ax kamisanik ri’ are ri’ xupatanij retab’axik uwach ri chakum chik pa taq le uwokajil ri q’atb’altzij xuquje’ ri ya’olchajinik kub’sib’al k’u’x chi’, are wari’ xya’ pa jachem rumal ri Ministerio Público, ri Instituto rech Ciencias Forenses, ri Instituto rech ri Defensa Público Penal, ri Organismo Judicial, xuquje’ rumal ri Ministerio rech Gobernación, ri Wokajil Ajchajil Tinamit ri’ xuquje’ rumal ri Wokajil Japache’ ri’.

Konojel k’ut ri k’amal b’e rech taq ri wokajilal ri’ junam uch’ob’ik ri xkichakuj pa le jun nab’e b’ajow chak patan ri’ xuquje’ are karaj na ri b’anow ukab’ uwach kumal ri are kichomam chik pa taq le molinik kib’anom ri’ pa le uya’ik pa saq ri retalil ri’, ri utaqib’al ri’ xuquje’ chi rij ri chakub’al rech kakojik pa le uchakuxik taq ri ub’eyal ch’ob’otal chak ri’ k’a pa kojpa’ kuq’alajisaj ri solwachinem chomanik chi rij ri’.

Eri Viceministro rech Ya’olchajinem, Ricardo Guzmán Loyo xuquje’ ri viceministro rech Antinarcóticos xuquje’ ri rech ilonb’al chak patan ri’, e are e ajq’atol tzij rech ri Taqawokajnem Ya’olchajinik pa Amaq’ ri’ chi kuwach taq ri k’amal b’e rech taq Wokajil rech pa Taqawokaj ri’ chi’ k’ut sib’alaj ki’kotem xkilo xb’an le nab’e nim riqb’al ib’ ri’ xuquje’ rumal k’o nim xchomataj uwach chi kijujunal ri wokajil xek’oji chi’.

Aretaq xutzijon ri Guzmán Loyo xub’ij ri’ “Pa le Ministerio rech Gobernación ri’ tajin kaqakoj qachuq’ab’ ri’ pa k’ak’ taq b’e’il ri’, are b’e man ilom ub’anikil ri’, qachomam ri’ rech kaqakoj k’ak’ taq b’enam b’e ri’, rech k’o k’ak’ b’anow taq chomanik rech Ya’olchajinik Winaqilal ri’ xuquje’ jun pa Wokajil Japache’ ri’”.

Eri Viceministro rech Ya’olchajinem xuya’ ub’ixik che ri Mingob’ puq’ab’ ri’ k’o wi ri ya’olchajinik che ri kik’aslemalil ri winaq e achalalil ri’ xuquje’ pa le junab’ 2016 ri’, k’o chik 8 mil 379.9 pajb’al ralal rech cocaína kiraqom chik, eri rajil pa ronojel are ri’ 860 millones 862 mil quetzales ri’, are wari’ ri raqom chik pa taq le nima tzukunik ri’, chi’ kuk’ut ri’ che k’o jun utzalaj woksolinem utzijob’exik b’anom chi rij ri’ are ri’ ub’eyal chomanik kib’anom pa komon kumal ri Instituto rech ri Defensa Pública Penal, ri Organismo Judicial, ri Ministerio Público, ri INACIF, ri Wokajil Ajchajil Tinamit xuquje’ ri Wokajil Japache’ ri’ chi rij k’u ri’ e k’o 1000 ajpatanelab’ utz ri xkichomaj chi rij ri’.

 “Ruk’ kitob’anik ri komon tinamit pa uwachulew xb’antaj kowinem xwokik jun k’ak’ nuk’wokaj chak patan rech ri Wokajil Ajchajil Tinamit ri’, are jun uwach ri k’axk’olil xilik pa le chak patan ri’ are ri’ ri man k’ot jun tane’ tz’ib’am ri’. Xuquje’ ruk’ kitob’anik ri komon tinamit pa uwachulew k’o k’ak’ taq japache’ tz’apib’al xyakik are kech kek’oji wi ri ixoqib’ e tz’apil ri’ kuk’ taq kal ri’ ri e ch’uti’n na te e k’o pa kajib’ taq kijunab’ ri’, xuquje’ ruk’ le nim tob’anem ri’ katajin unuk’ik uwokik ri jun k’ak’ nuk’ub’al uwach tzijolil ri’ rech katz’ib’axik kib’i’ taq ri e ajpache’ e tz’apil ri’ xuquje’ rech k’o jun utzalaj b’anow q’atojchak chajinik chi’”.

Eri k’ak’ ch’ob’otal chak rech q’atel b’anow k’ax kamisanik ri’

Eri Fiscal General xuquje’ K’amal b’e Taqanel rech ri Ministerio Público, Thelma Aldana, xuya’ ub’ixik che we jun k’ak’ ch’ob’otal chak ri’ are rech q’atel rech ri b’anow k’ax kamisanik ri’, pa le yab’al uchuq’ab’ ri woksolinem chak patan pa komon tob’anik che ri tinamit winaqil xuquje’ che taq ri wokajil rech ri Taqawokaj ri’ xuquje’ rech pa le uch’ob’ik taq ri k’olib’em ri qas karaj ri man ilom ta pa aninaqil rumal taq ri q’atb’altzij ri’ xuquje’ rech kakub’isax uk’u’x uwach ruk’ jun nim yab’al tob’anik pa aninaqil rilik unimaxik ri’.

COMPARTIR