Xjach ri ub’ixkil patan chakunik rech q’atenik b’anoj k’ax chi ke ixoqib’ ruk’ b’anoj k’ax chi ke winaq ri’

207

Eri Ministro rech Gobernación, Francisco Rivas Lara, ruk’ ri viceministro rech ya’olchajinik, Ricardo Guzmán, xek’oji pa riqb’al ib’ rech xjach wi ri ub’ixkil patan chakunik rech q’atenik b’anoj k’ax chi ke ixoqib’ ruk’ ri b’anoj k’ax chi ke winaq ri’, are xjach ub’ixik rumal ri Comisión Internacional rech q’atenik ri Impunidad pa Iximulew (CICIG) xuquje’ ri UNICEF, che ri vicepresidencia xuquje’ ri Ministerio Público (MP),  pa le Centro Cultural Luis Cardoza y Aragón rech ri Embajada rech México pa Iximulew ri’.

Eri taqawokajnel ya’olchajinik pa Amaq’il, xuya’ ub’ixik che ri k’ax qas kab’antaj ri’ are ri b’anoj chi ke ixoqib’ pa taq k’ulb’a’t juyub’ cho taq Amaq’ib’ ri’.

 “Pa taq ri k’ulb’a’t juyub’ pa amaq’ib’ ri’ ruk’ El Salvador-Guatemala xuquje’ México, chi’ k’u ri’ qas kab’antaj wi ri b’anoj k’ax chi ke ixoqib’ ri’ xuquje’ chi ke winaq aretaq kemin pa k’axalaj taq chak ri’, are b’anoj k’ax ri’ ri k’o nim tijob’al chuq’ab’ rech kaq’atexik ri’” xcha’ ri Rivas Lara ri’.

Eri Vecipresidente rech Iximulew, Jafeth Cabrera, xumaltyoxij ri yab’al tzijol ri’, xa’rumal k’ut are wa’ b’anoj k’ax kab’an chi ke konojel ri winaq e aj iximulew ri’.

 “Are wa’ jun k’ax che ri rajawaxik kaq’atexik ri’ rumal qas kub’an chi ke taq ak’alab’ ri’. Rumal k’u ri’ tajin uchomaxik rech kaq’atexik b’anoj k’ax ri’ chi ke ri ixoqib’ ri’”, xcha’ aretata xkub’isaj ub’ixik ri Cabrera.

En k’u ri Fiscal General xuquje’ Taqanel rech ri Ministerio Público (MP), Thelma Aldana, xuya’ ub’ixik che ri Iximulew ri’ qas chi’ k’ut ke’ok’ow winaq xuquje’ keq’axax wi winaq, are wa’ jun b’anoj k’ax ri’ ri qas kaq’atexik rumal ri ch’ob’otal chak xuquje’ rumal taq taqanik ri’, are eta’nib’al b’anoj che maja’ na kanimax uwach ri’.

 “Pane’ b’a’ k’o q’atenik katajin chi rij ri’ k’o na taqanik karaj kanimaxik uwach ri’ rech keta’ik ri taq ali alab’om ri tajin kab’an k’ax chi ke”.

Eri Ivan Velásquez, comisionado rech ri CICIG, xub’ij che ri ub’ixkil che ri xjachik are rech karaj kachomaxik uq’atexik b’anoj k’ax ri’ chi ke taq ali alab’om ri’.

 “Are wa kutaq ub’ixik chi ke konojel wokajil rech taqawokaj amaq’ ri’ are rech b’a’ kakiya’ loq ub’ixik uwach jun kichomanik chi rij ri rajawaxik ri’ pa we amaq’”, xcha’ ri Velásquez.

Rumal k’u ri’ eri taqanel rech ri Fondo rech Tinamit rech Naciones Unidas kech Ak’alab’ ri’ (UNICEF), Mariko Kagoshima, xub’ij “ronojel q’ij e k’o 33 ch’uti’n alab’om xuquje’ e ch’uti’n alitom tajin kab’an chi ke pa Iximulew ri’ xuquje’ eri q’atenik ri b’anoj k’ax chi ke ri’ qas k’o pa rutzilal ri’”.

Swiffy Output
COMPARTIR