Xjach kib’i’ ri e ajcha’el chi ke rech ka’ok che Nimak’amal b’e rech INACIF ri’

198

Eri Instituto Nacional rech Ciencias Forenses (INACIF), xucholajisaj kib’i’ pa k’utem chi kuwach tinamit ri e ajcha’el rech ka’ok jun chi ke che Nimak’amal b’e pa uq’ijol 2017 – 2022.

Eri sik’ib’al kech ri’ are kak’am kiwujilal ri’ are xb’an kanoq pa le 4 rech abril pa 19 rech mayo, chi’ k’u ri’ xya’taj utzijoxik pa tinamit ri rajawaxik tam kacholajisax b’ik ri ej ajcha’el che K’amal b’e rech ri INACIF ri’.

Eri xta uwach katz’aqatisax chi ke e ajcha’el ri’ rajawaxik b’a’ k’o kilenciatura rech reta’mab’alil rech Químico Biólogo, Químico Farmacéutico, Médico xuquje’ Cirujano xuquje’  Abogado e Notario k’o reta’mab’alil che criminalística, ri kik’aslemam kichak patan ok’owinaq chik jo’ob’ junab’ che chakunel pa tinamit chi rij ri rech forense xuquje’ wene’ rech ajilonel chak pa taq wokajil ri’.

Pa ronojel ri’ e k’o 24 chi wujilal ri’ xk’ul panoq ri’ ri k’o chik pa kiq’ab’ ri Chomanelab’ rech ri Consejo Directivo che ri e ajcha’el rech ri k’amal b’e ri’.

Eri Consejo Directivo are wokom uwach rumal ri Ministro rech Gobernación Francisco Rivas Lara, ri q’atb’altzij rech ri Ministerio Público, ri Instituto rech ri Defensa Pública Penal, ri K’amal b’e rech ri Colegios rech E Ajkun, Químicos xuquje’ Farmacéuticos, Abogados e Notarios; xuquje’ ri K’amal b’e rech ri  Organismo Judicial ri k’amal b’e chomal rech ri’.

Aretaq kak’is pa ya’ltzijolinik pa tinamit ri kib’i’ taq ri e 24 e ajcha’el ri’ are ri’ rech chinaq k’o kuya’ loq ub’ixik chi kij ri’, are kak’ul panoq uwach ri tzijolil ri’ pa le 2 pa le 112 rech junio, chi la’ pa ya’b’al rech ri eqle0mnik ri’ pa le Nima rachoch rech Q’atb’altzij ri’.

Eri jun okem uwach ri’ are kaya’ kajach pa le k’utb’al rech ri Ub’eyal rech ri Chakunem ri’ xuquje’ are chi’ kab’an ri etab’anik chi ke pa le Universidades del Valle.

Eri wujilal kech ri e ajcha’el ri’ are k’o rajilab’al kakoj ri’ aretaq ke’etaxik rech 0 pa 100 puntos ri’, rumal ri Komon Chomanelab’ rech ri Consejo ri’ e are k’u ri’ kakicha’o chinaq ko’k che k’ak’ K’amal b’e rech ri INACIF ri’.

Eri ukojik ri k’ak’ k’amal b’e ri’ are kab’antaj ri’ pa oxib’ pa le wuq ub’ q’ij rech julio, aretaq kaya’ utzijoxik pa le taqom wujiltzijolinik pa le 12 rech julio pa le Diario Oficial xuquje’ are kakoj che reqale’n ri’ pa le 18 rech we ik’ ri’.

COMPARTIR