Xya’ pa k’utik ri K’ak’ ub’anikil uchomanik ri Japache’ chi ke ri e ajtzijolinelab’

110

Ri raqib’al ib’ ri’ are rech b’a’ xemol konojel ri wokajil ajtzijolinem rech pa tinamit ri’ kuk’ ri kepe pa taq nik’aj chik tinamit pa uwachulew ri’ rech kaya’ utzijoxik chi ke ri cholchak katajin ri’, pa le Ministerio ri’, are rech b’a’ utz ub’anikil ya’olchajinik kub’an pa we amaq’ tinamit ri’ xuquje’ kub’an jun nim utzilem tob’anik pa le Wokajil Japache’ ri’, rumal ri’ eri viceministro rech Prevención, Axel Romero xuquje’ ri Roberto Santana k’iysanel rech le K’ak’ Ub’anikil B’anow Patanik pa Japache’ ri’ rech ri República Dominicana, rech xetzijon chi rij jun ub’antajil pa juntir ri’ chakunem ri’.

 “Sib’alaj rajawaxik b’a’ kamajtaj jun achib’alinem che ri jun b’anow chak patan kakoj ri’, man xaq ta ri’ le uyakik ri japache’ rech suk’umalil pa Villa Nueva, xane’ xuquje’ eri cholchak ri’ are kuya’ b’a’ jun nim kub’sib’al pa uchak upatan we k’ak’ japache’ ri’, aretaq xilotaj ub’antajik pa taq nik’aj tinamit naj che utz b’a’ katajin ukojik ri cholchak ri’ pa le ya’olchajinik ri’”, xcha’ ri Romero.

Rumal ri’ eri Doctor Dominicano Roberto Santana, xub’ij che pa utinamit katajin uk’exik uwach ri japache’ tz’apib’al chi la’ are rech kakojik ri K’ak’ Ub’anikil B’anow Chak Patan pa le Japache’ ri’, rumal ri’ kowininaq che kisuk’umaxik ri e ajpache’ chi’ rumal k’o tijonem tajin uya’ik chi ke ronojel taq q’ij, je ri’ pa taq le kakichakuj, pa taq le kaki’kotemisaj kib’ ri’, ronojel wa’ are tajin ukojik rech pa no’jimal tajin kisuk’umaxik chi’.

 “Junam ri’ ri uj kaqab’ij che are wa’ uwachinik ri jun K’ak’ Ub’anikil Chak Patan pa taq le japache’ ri k’o pa le República Dominicana, k’a pa le junab’ 2003 kojtajin b’a’ che kisuk’umaxik pa jun 5% ri’ man junam ta ruk’ ri katajin upatanixik pa taq nik’aj chik japache’ ri’ pa jun 50% ri’”, xcha’ ri Santana.

Eri taqim uchakuxik pa taq le japache’ ri’ are ri b’anow tijob’enik xuquje’ ruk’ k’i chakunem ri’, ri tak’al pa uwi’ ri nimib’al ib’, pa uwokajil ri’ xuquje’ pa le nimantzij tijojnem ri’ rech b’a’ eri e ajpache’ chi’ kasuk’umax kano’jib’al ri’ rech te k’u ri’ ketzalij chik pa taq kachoch ri’. Xcha’ ri Roberta Santana.

Eri Ajno’jinel rech ri Despacho Ministerial, Israel Santizo, xuya’ ub’ixik che pa k’isb’al junab’ ri’, kejaq ri’ ri japache’ rech kek’oji wi ri nan kuk’ taq kal ri pa kajib’ ta kijunab’ ri’ xuquje’ rech kek’oji ixoqib’ pa le K’ak’ Wokajil Japache’ ri’.

Xuquje’, choman chik che pa le 2017 kajaq ri’ jun japache’ kech tata’ib’, rech kek’oji e 225 chupam taq, k’o jun japache’ kech achijab’ ri k’o nim k’ax kib’anom, xuquje’ xuya’ ub’ixik che k’o chik pa saq ri juyub’ k’olib’al kayak wi ri japache’ ri sib’alaj chajital ri’ kumal ajchajinelab’ ri xetijoxik pa República Dominicana, e are k’ut kekoj pa chajinem ronojel q’ij pa taq kakitijoj wi kib’ xuquje’ ri kechakun wi ri ajpache’ ri’.

Swiffy Output
COMPARTIR